輸打贏要最無良
2008/02/19 17:22:13 網誌分類: 時事
奸商奸商,最奸的商,非賭場老闆莫屬。輸打贏要,最無良也!
有人在澳門「喂!黎輸人!」賭場贏了一百萬元,賭場卻不肯派彩,原因是那賭客有親屬在該賭場任職。OK,我當你真係有條例咁寫,亦都有理據,咁,係咪由一開始就唔應該讓該賭客入賭場賭呢?人地輸了錢,你照收不誤;人地好彩贏了錢,你就不派彩,世上哪有這個道理的?說不過去呀!
贏要贏得光采,輸要輸得光棍,這是中國五千年賭錢文化的精義。中國人好賭,賭到阿媽都唔認得都要賭,連鄧小平都知道,香港人可以無民主,但不能不承諾「馬照跑、舞照跳」,即是「錢照賭、妓照召」。去得賭錢,都知十賭九騙,十賭九輸,但那些人照樣去賭,就是為了那十分一的贏錢機會,好不容易贏了,還要贏過百萬,你卻輸打贏要,那就是自己砸自己招牌,再靚的裝修也沒用。
整件事之中,最大的贏家,肯定是燊哥。「拿拿拿,都話左你地架啦!『喂!黎輸人』呢D外國佬賭場就係咁架喇,大家仲去黎做乜丫~黎我間『(輸)鋪勁』同『新(輸)鋪勁』啦!」
鬧得好!