PACO名人會
PACO名人會
PACO名人會

蘇玉華司棋姐 《小城》鬥戲 謝君豪挑戰腦力 :幾頁紙對白㗎

2017/10/30 10:11:17 網誌分類: 娛樂
30 Oct
        

        由謝君豪、李司棋、蘇玉華三位資深演員擔綱主演的舞台劇《小城風光》,將於本周五(11月3日)假新光戲院公演。劇目是戲劇大師鍾景輝(KingSir)50年前從美國引入香港,適逢劇目誕生80周年和KingSir80大壽,特別重演《小城》向大師致敬。劇中,蘇玉華和李司棋要應付「虛擬」演出,勁考演技。而被KingSir點名孭重飛的謝君豪,擔任舞台監督穿梭全劇,說書大任有難度,他笑說:「今次要將對白背『爛晒』,因為一段對白幾頁紙㗎!」連司棋姐都笑謂豪君對白超多,應該收幾部戲錢喎!

        主持:黃柏高
        統籌:林永匡
        攝影:袁東亮
        協力:林書鉉
        場地:La. Tomokuo Japanese & Western Cuisine(電話:28062252)

        向舞台大師KingSir致敬的舞台劇《小城》,是其學生謝君豪視為考牌作的作品。因KingSir對君豪很有信心,放心交棒給他。拎過文學獎的《小城》講述小鎮兩家人,經歷生老病死人生必經階段,啟發人思考好有意義,通過謝君豪以講故事形式貫穿全劇。蘇玉華說:「我和司棋姐分飾一對好友兼鄰居,係一般家庭主婦。不過我個角色好有原則,凡事講規矩,又要求小朋友好有教養。楊英偉飾演我丈夫,我有個好靚嘅新人做我個女『愛美麗』,係一個好重要角色,個女因難產死咗。」角色較風趣、嬌俏的李司棋說:「我同蘇玉華係親家,角色性格比較細路女,會幻想去旅行,對小朋友管教會free啲,係個醫生太太。」

        速訓成「對白王」

        演過無數戲的謝君豪,今次要接受腦力挑戰,皆因客串幾個小角色同時又要擔任「說書人」重任,他笑說:「今次會客串吓做神父、雪糕店老闆等,但主要係說書,對白上會多啲。以前做戲,啲對白好似蒸魚咁僅僅熟就得,但今次要爛熟,要熟到200、300%熟先得,一段對白有幾頁紙長㗎!而且劇目以前做過好多次,老師KingSir有做過又導演過好多次,KingSir首演一定嚟捧場之外,仲會突擊嚟檢查,所以不容有失。」

        兩女好夾

        謝君豪要速訓成「對白王」,蘇玉華和司棋姐亦要跟默劇大師學藝,舞台一分為二,兩人同步演出,難度好高。蘇玉華說:「無道具嘅情況下,要自己憑空做動作。好似有場戲講我和司棋姐早上6時起身各自整早餐,煮咖啡、烘麵包等,動作好細緻要練好耐,又做又講,仲要雙方配合到對方講對白,真係要好集中,同夾得好好先得。」舞台劇雲集KingSir的徒弟徒孫,加上著名劇目內容精采,不容錯過!

        
        
 
■由謝君豪(右起)、李司棋和蘇玉華主演的話劇《小城風光》,本周五開始公演13場。
■由謝君豪(右起)、李司棋和蘇玉華主演的話劇《小城風光》,本周五開始公演13場。
■《小城》多年前由King Sir引入香港,今次吸引到隱居紐西蘭14年的張之珏回港執導,向80歲的恩師致敬﹗
■《小城》多年前由King Sir引入香港,今次吸引到隱居紐西蘭14年的張之珏回港執導,向80歲的恩師致敬﹗
■蘇玉華表示10年前在紐約睇過《小城》的英文版,當時已好感動。
■蘇玉華表示10年前在紐約睇過《小城》的英文版,當時已好感動。
 
■昨日,司棋姐和蘇玉華綵排無須道具下的「虛擬」演出。
■昨日,司棋姐和蘇玉華綵排無須道具下的「虛擬」演出。
■近年主力在內地拍戲的謝君豪,在劇中飾演舞台監督穿梭全劇。
■近年主力在內地拍戲的謝君豪,在劇中飾演舞台監督穿梭全劇。
■King Sir今次擔任藝術總顧問。
■King Sir今次擔任藝術總顧問。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.