脫軌情緣
2017/11/03 10:12:03
網誌分類:
經濟
我話:「要不要介紹中醫畀你把一把脈!」
他搖頭,滿懷心事。
「為乜咁煩。」
「你知唔知英國國防大臣房應麟辭職?」
「因為,性搔擾辭職,關你鬼事,唔通佢搞過你!」
「唔係呀,佢都六十歲人,俾人揭發十五年前,摸個女記者大髀,咁又性醜聞,搞到丟官。」
「另一位五十三歲的國際貿易部政務次官簡文傑,在七年前要求一名女秘書進入性商店,幫他購買成人用品,仲叫個女秘書花名奶孃。」
「荷里活金牌大制片,三十年前啲『鹹封』性搔擾又爆出來。最近,英國首席大臣祈文達兩年前摸過女作家膝頭,唔辭職都身敗名裂。」
講起都好得人驚,十幾年前的事情翻出來,你有摸個女仔膝頭膊頭,口花花,對人家說我愛波霸奶茶,或者叫飛bra走的,一下唔覺意,被人翻舊賬,話你性搔擾,點算?
我話不用怕,你有無兩三個億身家?係咪有人叫你做局長?
他搖頭說「不!」那就輕鬆。十幾二十年前翻出來的性醜,一係為名,你唔出名,不是荷里活大製片家,二係為利,屈你畀錢,閣下身家又無一兩個億,最後,兩者不是,就係政治目的。
閣下完全沒有利用價值,相信,可能當時你兩情相悅,你竟然沒有由膝頭摸上大髀,你錯過了一份脫軌情緣。
林超榮
回應
(0)
我要發表