PACO名人會
PACO名人會
PACO名人會

許志安聲援《狂獸》 沈震軒簽「太陽」歌影雙線發展

2017/11/06 08:41:20 網誌分類: 生活
06 Nov

 

        好開心!近日公司喜事重重,先有許志安為電影《狂獸》,唱出同名主題曲的精采MV正熱播。還有,沈震軒(Sammy)終於加入我們「太陽娛樂文化」的大家庭,作為大師兄兼其偶像的安仔更送上結他力撐。接下來,Sammy將強勢在音樂和電影兩棲發展,「新人王」興奮說:「之前唔敢挑戰嘅嘢,嚟緊想喺大銀幕畀大家見到。而我亦希望寫首歌送畀偶像許志安,由佢把靚聲演繹出來。」

        今次訪問好特別,有安仔做客席主持訪問Sammy,全因安仔出道時曾任《K-100》主持,多年來對「主播」有種情意結!作為大師兄,安仔一直好欣賞Sammy,大讚對方「永遠alltime去ready自己」。被偶像笠高帽的Sammy好興奮謂,「我希望用呢支結他作首歌畀安仔,由佢把靚聲演繹出來。」近期Sammy親自包辦曲詞的情歌《我很好》及國語版《我真的很好》相繼面世,他說:「因為我初戀女友係台灣人,所以填《我真的很好》嘅歌詞時比較浪漫,講一對初戀情人重遇,甜蜜回憶一湧心頭。」

        寫歌畀許志安

        電影方面,Sammy亦早已操肌,準備在多套動作電影大顯身手。Sammy高興說:「之前地獄式操肌脫水真係好辛苦,在5日嘅routinework中,頭3日每日灌8公升水,食無澱粉質嘅嘢。其後兩日唔飲得水,食番薯和飯等澱粉質嘅嘢,吸埋體內嘅水份。操到六嚿腹肌後,依家每日keep住做兩小時運動。啱啱拍完鄭保瑞導演嘅《智齒》,早排拍時成日要瞓垃圾堆,不過好enjoy拍打戲,嚟緊仲有好多機會畀我做打仔。」

        五小時化魔鬼妝

        沈震軒坦言為每個機會去盡,入行多年的安仔亦是一個好認真的專業藝人。早前,安仔為11月23日上映的電影《狂獸》唱同名主題曲,為配合電影主題,《狂獸》導演李子俊親自執導MV,效果令人驚喜!安仔說:「MV同電影好緊扣,加插咗主角張晉和余文樂嘅電影鏡頭。講每個人心中都有黑暗面,好似困住咗隻野獸咁。所以拍之前去做咗頭部倒模,拍嗰日下午一時去到郊區化特技化妝,用咗5小時化咗個魔鬼造型,之後開始拍到翌日朝早才收工。睇番個MV電影感好重,好正,幾辛苦都值得!」

        沈震軒化妝及髮型:Janice Chan、[email protected]
        場地:尖沙咀唯港薈28樓天外天(電話:34001000)
        主持:黃柏高
        統籌:林永匡
        攝影:袁東亮
        協力:林書鉉

  

        
 
■許志安(中)和新加盟的沈震軒(左),日後將有機會攜手合作。
■許志安(中)和新加盟的沈震軒(左),日後將有機會攜手合作。
■日前,Sammy正式加盟「太陽娛樂文化」,安仔送上結他做入門禮物。
■日前,Sammy正式加盟「太陽娛樂文化」,安仔送上結他做入門禮物。
■Sammy呻做「爆肌男神」前,最辛苦戒食肥膩食物。
■Sammy呻做「爆肌男神」前,最辛苦戒食肥膩食物。
 
■地獄式狂操下,練出爆肌身形。
■地獄式狂操下,練出爆肌身形。
■苦練功夫的Sammy,加盟發布會上大顯身手。
■苦練功夫的Sammy,加盟發布會上大顯身手。
■許志安化咗個魔鬼妝為《狂獸》拍MV,拍咗16小時。
■許志安化咗個魔鬼妝為《狂獸》拍MV,拍咗16小時。
回應 (1)
我要發表
PACO名人會
PACO名人會 2017/11/06 16:18:43 回覆
user