Kelly Chu
Kelly Chu
Kelly Chu

菲國要求跟節拍「熱情歌唱」 泰國人聞國歌 睇緊戲都要肅立

2017/11/07 08:41:08 網誌分類: 生活
07 Nov
        《國歌法》本地立法引起唔少討論,Kelly身邊朋友都好奇,有咗法例後,以後國歌奏起,要注意乜嘢行為舉止呢。小妹放眼世界,原來各處鄉村各處例,國歌法對人們嘅規管可以好唔同㗎,除咗澳洲、馬來西亞、意大利等國家會規定民眾聽到國歌需要企定定之外,有啲國家要求更嚴謹,連睇戲聽到國歌都要起立?!

        Kelly發現,泰國規定朝八晚六所有電台、電視台、政府廣播系統、公園、巴士站、火車站等都要播國歌,為表尊重,所有人必須放低手頭上做緊嘅嘢,除帽面向國旗肅立,否則可能會被視為不敬,有被拘捕甚至監禁嘅可能!泰國嘅學校亦會喺每朝八點奏放國歌,所有學生都要一齊唱。印度都有類似嘅規例,更要求電影院播放國歌時要展示埋國旗,所有觀眾要肅立。

        至於菲律賓嘅眾議院亦喺今年六月通過新法案,強制規定民眾喺公眾場所聽到國歌要站正,面向國旗「帶着熱情地唱」,右手手掌放在左胸前向國旗敬禮;仲嚴格規定國歌的節拍必須在每分鐘一百至一百二十拍嘅速度,快啲慢啲都唔得,對於音癡嚟講都幾考功夫!

        KellyChu

        
回應 (0)
我要發表
user