垂直跑上ICC有貼士食多啲儲能量
2017/11/08 10:11:03 網誌分類: 生活
行樓梯可以減肥,跑樓梯更是大挑戰。由新鴻基地產主辦嘅「新地公益垂直跑」將於十二月三日舉行;新地副董事總經理黃植榮就話,今年有超過一千九百人報名,人數比上屆多,睇嚟真係好多人鍾意運動健身兼做善事。 「新地公益垂直跑」嘅參賽者,來自本地同外地,一齊挑戰全港最高建築物環球貿易廣場(ICC)八十二層、共二千一百二十級樓梯。昨日大會特別喺賽前舉辦傳媒體驗跑,邀請咗超過三十位傳媒朋友及博客試跑,唔少人跑到索晒氣,睇嚟少啲耐力都唔掂。 小妹知道,除咗一眾年輕運動好手,年紀最大嘅參加者梁伯已經七十四歲,真係好犀利。香港中文大學糖尿及肥胖研究所客席教授史曼媚就教路,跑手應該攝取豐富蛋白質,強化肌肉,到咗賽前三日,就多吃碳水化合物,畀身體儲備多啲能量,應付高運動量嘅賽事。報咗名嘅朋友要努力備戰呀。 KellyChu |
|
回應 (0)
我要發表