迪士尼「多D Fun」送五萬門票 首日33萬人報名等抽獎
2017/11/08 10:11:04 網誌分類: 生活
| 迪士尼樂園展開新階段擴展計劃，為回饋港人嘅支持，同時向社群發放正能量，宣佈推出「香港人多DFun」大抽獎，免費向港人送出五萬張門票，無論大人細路都可以報名，抽中者會獲得一張門票，喺明年指定一個月份內入場。迪士尼朋友話，消息一出，反應熱烈，昨天截至傍晚六點已有逾三十三萬人報名等抽獎。即刻嘟個QRCode去報名啦！ Kelly覺得入迪士尼樂園玩，係一件開心美事，𠵱家樂園送出五萬張門票，網上哄動，好多朋友互相提醒，話抽中一起去玩。參加辦法好簡單，由即日起至下周四登入樂園嘅特設活動網頁，填寫簡單個人資料、聯絡方法，回答一條簡單問題，分享最「Fun」遊樂設施、迪士尼人物或特備活動，就成功報名，等候抽獎結果。 樂園好有心，今次免費送門票，係「港人限定」，冇年齡限制，除咗持有香港身份證，十一歲以下小朋友持有香港出世紙及附有相片嘅本地學校手冊或其他有效附有相片嘅證明文件，都可以參加！ 有迪士尼朋友同小妹講，昨天網站開通咗四小時，已經有三十三萬人成功登記，見到大家反應熱烈，佢話好開心。佢提提大家，報名日期有十日咁長，唔係先到先得，大家唔使咁心急，慢慢報名都未遲。 大家成功登記後，會收到附有登記編號嘅確認參加通知書電郵，喺十一月二十二日留意活動網頁、《星島日報》或《英文虎報》會將抽獎結果公佈。 KellyChu |
 | |
| |
 | |
回應 (0)
我要發表