PACO名人會
PACO名人會
PACO名人會

依家成日講湊仔經

2017/11/13 08:41:11 網誌分類: 生活
13 Nov

        三位TVB出身、修讀不同期藝員訓練班入行的黎諾懿、徐榮和張達倫,早年因緣份牽引成老友,三兄弟由當年風花雪月,到今時今日各自擁有美滿家庭,更做埋人父,Gathering話題亦變晒做湊仔經。黎諾懿笑說:「半年前我要向徐榮討教湊B心得,?家達倫做咗新手爸爸,就成日問我同徐榮湊仔經。」

        三位暖爸當中,以02年出道的黎諾懿最幸運,第三部劇《當四葉草碰上劍尖時》已當男一,近年亦憑住《愛·回家》中飾演馬壯爆出,在《燦爛的外母》再嘗男一滋味。談到過去十年事業起迭,諾懿感慨說:「拍咗4年幾《愛·回家》keep住人氣,早排首度返內地拍攝網劇,發現內地市場大、製作好認真、當地政府對拍攝非常支持,好似拍一場飛車戲,可以封晒成條大橋,然後成架車飛落橋報銷。但香港拍嘢就好多限制,申請好嚴。」

        處境劇賺人氣

        43歲的「綠葉王」徐榮過去十年被處境劇綁住,其中《同事三分親》中的「裘俊」和《愛·回家》中的「馬強」令人印象深刻。他說:「16年中接拍《巨輪II》飾演黑幫頭目『馬文泰』,終於有得做奸人,好大發揮。」同樣有份拍《愛·回家》飾演律師「嚴謹」的張達倫,在早前熱播的《不懂撒嬌的女人》中亦抽到支好籤,飾演暖男「Oscar」愛上單親媽譚凱琪,好角色好劇本,令他得着不少。

        談到最想挑戰角色?諾懿居然想做啞仔,他解釋只靠眼神、演技等去贏取觀眾歡心,其實好有難度。達倫即笑對方平日說話多肢體動作,不如嘗試做「跛佬」仲有挑戰性,然後達倫認真說:「想拍啲勵志片,用情感去打動人。」徐榮亦笑說:「不如拍一套盲、聾、啞三兄弟,一生互助大家嘅溫情勵志戲。」諾懿即自創戲名為《天水圍的跛與盲》,三兄弟即興度橋好合拍!原來達倫和徐榮的友誼由請飲嘢開始,達倫憶起:「04年讀完訓練班啱啱出嚟,有套劇要扮死屍,瞓喺地幾個鐘都唔郁得,然後阿榮行過嚟問我『使唔使買杯嘢飲畀你!』嗰吓好窩心,就做咗好朋友。」而徐榮和諾懿就由唔怕死、食鴨頭展開,諾懿說:「當年我哋喺橫店拍劇,正值禽流感高峰期,持住後生仔唔怕死,約埋徐榮去食鴨頭,日日食吹吓水變friend。」

        專業湊仔公

        好快三人將會在TVB新劇《BB來了》又攜手合作,單睇劇名似係為做男一的諾懿度身訂造。今年4月,諾懿太太李潔瑩誕下兒子黎峰睿(乳名小春雞),從此大細路變身廿四孝慈父,他說:「小春雞已經半歲,?家全部精神希望小朋友健康成長,阿囝出世頭十日、最忙嘅階段已過去咗,當時真係好辛苦,太太忙餵人奶,我負責湊仔,可能第一胎嘅關係,我超級緊張,成日有幻聽,以為BB喊。之後開始放手畀外父外母照顧。?家一對一湊BB完全無難度,阿仔好黐我又嗲我。我同阿榮佢哋三個仲會帶埋小朋友出去玩,交換湊仔經。」

        育有11歲兒子徐朗和兩歲萌爆星B徐心怡(包包)的徐榮,做了兩好友的育兒專家,他爆料說:「以前佢哋未做爸爸,我哋出去食飯,我大約十點幾要走,趕返屋企睇小朋友。早排我哋一齊出席公司活動,話完咗去食啲嘢,點知攞車時唔見咗諾懿,原來佢返咗屋企睇BB!以前我哋三個成日喺屋企gathering真係堅癲,次次每人飲一支威士忌,不醉無歸。」愛飲酒的達倫上月亦榮升做daddy,不用開工的日子,開心做湊仔公。


        主持:黃柏高

        統籌:林永匡

        攝影:袁東亮

        協力:林書鉉

        黃柏高

        
■左起 : 徐榮、黎諾懿和張達倫三位實力派演員,期待日後在我製作上的電影可以合作!
  ■左起 : 徐榮、黎諾懿和張達倫三位實力派演員,期待日後
在我製作上的電影可以合作!
張達倫呻B仔勁抽雞(乳名)好難湊。
張達倫呻B仔勁抽雞(乳名)好難湊。
■小春雞現已半歲,諾懿謂獨力湊B無難度。
■小春雞現已半歲,諾懿謂獨力湊B無難度。
■徐榮育有一對仔女。
■徐榮育有一對仔女。
回應 (1)
我要發表
Custom Nursing Writi
Custom Nursing Writi 2019/11/21 17:34:09 回覆

Most students sometimes pay high charges for Custom Nursing Writing Services, yet they can buy Already Written Nursing Research Paper or order for Custom Writing Nursing Essay Services.

user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.