健康教練
2017/11/17 10:11:57
網誌分類:
經濟
我話：「咪住我影幅相先。」
導演話：「唔係嘛，超人，你又相機食先。連即食麵都要拍？」
「好多人拍珍饈百味，廣告親友，目的係炫耀或者留念，不過，我食前拍番張相，係為了健康。我的食物相片，係傳送畀我的『健康教練』。」
導演都唔明白，給他看健康教練回覆。
「五香肉丁公仔麵好重口味，還要加腸仔，對你係非常高危，麵經油炸，熱量高，湯含有高鈉，吃麵後，不宜喝光。還有，腸仔係經醃製食物，實在不宜。下一次要吃下午茶餐，可以考慮吃米粉或通粉，還有，你那杯奶茶，記住，盡量不落糖。」
導演嘖嘖稱奇，都想download個app玩吓。
我細細聲話，download健康教練app，要有一個條件，你係咪想聽，係就唔好怪我賣廣告。
事關我之前參加了一個保險計劃，送我一個DNA基因測試，用棉花棒舔少少口腔組織，就有個myDNAPro三高風險評估，仲有營養基因測試報告，再有個專屬健康教練同手機應用程式，指導每天紀錄飲食日誌，收看運動短片，由專屬教練詳解。
我的飲食不健康，幸好有健康教練即時提點，雖然，今次，我點了高危食物才問，教練都有忠告我「不用擔心，一碗重口味即食麵，你同朋友兩份吃，不能控制選擇，只能控制份量了。」
林超榮
回應
(0)
我要發表