PACO名人會
PACO名人會
PACO名人會

考潛水牌拍《狂獸》水底戲 林家棟:浸喺海驚有鯊魚㗎

2017/11/20 08:41:28 網誌分類: 娛樂
20 Nov

        新晉導演李子俊頭炮執導的動作巨片《狂獸》,除有張晉和余文樂在水陸兩地打到飛起,導演亦用誠意打動影帝林家棟演出。家棟憶起黑夜落水等候拍攝時,置身黑漆漆汪洋之中好恐懼,他說:「浸喺海度成日諗起《大白鯊》啲經典畫面,驚有嘢扯我落海㗎!」而首度跳入大銀幕,就要應付多場動作戲的灰熊(蘇偉泉)亦謂拍攝難忘,「估唔到夏天拍水戲會咁凍㗎!」演員瞓身演出,不容錯過!

        由足球員轉型做影壇新星的灰熊,開心能參與此片,他說:「開拍前接受了幾個月特訓,終於大派用場。其中一場喺漁市場和張晉追逐嘅戲好難忘,因為現場地面濕滑,好易跣親,跑來跑去仲要跳過另一隻船,都幾危險。好記得朝早7時拍第一個shot,要由呢隻船嘅第二層跳落對面船下層,武指示範一次後,我懶叻話『掂呀!』雖然有晒墊,但其實都有少少怕,然後跳啦,點知真係跣腳,整到條腰。但都要頂硬上,拍多三個take終於OK,成身散晒呀!」

        灰熊跳船搵命博

        灰熊為處男作去盡,影帝林家棟一向專業認真,為支持導演的「第一次」亦要克服心理關口拍「水戰」。飾演「廢柴差佬」的家棟謂:「導演兩年前已經畀劇本我睇,佢有少少鄭保瑞導演嘅影子,追求激烈嘅動作畫面,加上話水底玩吖嘛!好開心同到李子俊合作,拍完有少少唔夠喉,想再合作吓。」今次新片賣點好吸引,水底打鬥夠gimmick,余文樂、張晉和林家棟等本身唔識潛水,預先安排去學,其中張晉極之畏水,但為了拍攝都要克服陰影。

        「張晉打得好睇夠殺氣」

        到真正落海拍,家棟話好恐懼,他憶述說:「有場戲講我哋喺沉於海底嘅破爛船內打鬥,游來游去再打幾吃力。最慘有一幕講我甩咗個氧氣樽,得番條喉,呼吸兩下又無嘞!雖然明知做足安全措施,但都好恐懼。其中印象最深,係凌晨3、4點,漆黑一片喺西貢海域拍攝。浸喺海度,乜都睇唔到,成日諗起《大白鯊》啲經典畫面,驚有嘢扯我落海㗎!工作人員離我二、三十呎咁遠,真係好驚好驚,淨係想快啲拍完,唔好NG,快啲上水,但拍完又好享受,心情好矛盾。」家棟戲中拍檔係爆裂型警張晉,二人首結片緣,家棟對張晉讚不絕口:「張晉簡直係型、英、帥、靚、正啦!打得好睇唔使介紹,氣質贏晒呀!場場都咁搏命,喺船拍攝時撞到身體瘀晒,而且個金毛造型夠晒殺氣,合作得好開心。」

        主持:黃柏高
        統籌:林永匡
        攝影:袁東亮
        協力:林書鉉
        林家棟化妝:EstherHuang@J.A.C.K.Factory
        林家棟髮型:AlexChan@projetz4/J.A.C.K.Factory
        場地:米走雞Deluxe(93415931whatsapp)
 
■影帝林家棟(左)和首度拍戲的灰熊(右)搏命演出《狂獸》,新片11月23日上映。
■影帝林家棟(左)和首度拍戲的灰熊(右)搏命演出《狂獸》,新片11月23日上映。
■家棟和余文樂(右)拍前齊齊學潛水。
■家棟和余文樂(右)拍前齊齊學潛水。
■家棟成日濕身拍攝,其間病足兩星期。
■家棟成日濕身拍攝,其間病足兩星期。
 
■左起 : 林家棟、余文樂和張晉三人謂好開心在片中合作。
■左起 : 林家棟、余文樂和張晉三人謂好開心在片中合作。
■其中一場戲在街市跟蹤JM(文詠珊),JM沿途掟爆炸品,家棟笑話,「爆到我無得連戲㗎!」
■其中一場戲在街市跟蹤JM(文詠珊),JM沿途掟爆炸品,家棟笑話,「爆到我無得連戲㗎!」
■灰熊難忘帶傷頂硬上拍跳船戲。
■灰熊難忘帶傷頂硬上拍跳船戲。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.