高盛忽然轉牛
港股在騰訊(700)帶動下喪升，美股昨日都升吓，杜指同標普500指數齊升0.7%，納指更升超過1%。三大指數盤中觸及歷史新高，標普500指數中午一度升穿2600點。
除了電訊股以外，標普500指數其餘10個板塊全部向上，科技股係推動大市向上的主力，整體升1.2%。其中蘋果升1.9%，收報173.14美元，係表現最好的杜指成份股，排第二的是微軟，升1.4%，收83.72美元。幾隻科技巨頭FANG（Facebook、亞馬遜、Netflix及谷歌）升1.1%至1.8%不等。幾隻科技巨頭和騰訊鬥快上升。
BB&T Wealth Management高級副總裁Bucky Hellwig表示，「每年的這個時候，投資者都會增持，而非減持。另外，資金在年內多數時間一直離場觀望，目前股市應對風險的狀況是最好的。股市波動性不大，趨勢向上，所以市場趨勢偏向上行。目前投資者最放心的是科技股，所以有較多的資金投入。」
大市升完再升，一直淡淡地的高盛也「忽然轉牛」，預料美股牛市未來三年仍會持續上升，高盛策略師David Kostin話，在盈利周期延續下，美股升勢將維持至2020年。
高盛認為股市中期關鍵在於稅改，倘稅改通過，標普明年目標價為2850點，較周一收市價高出一成；若稅改觸礁，該行目標價則為2450點，較周一收市價有5%跌幅。至於高盛對標普500指數2019及2020年底目標價，分別是3000點及3100點。
高盛展望明年，認為美國與環球增長高於趨勢水平、稅改有利企業盈利增長，以及低息期保持等因素將支持美股表現。
高盛對美股大市本來不太看好，原本預期標普500的目標價只是2400點，在5月底已升穿。高盛對股市改觀可能和其經濟預估有關，幾日前高盛經濟學家調高明年美國和全球經濟預測，認為明年美國失業率會創1969年以來新低。既然睇好經濟，跟手就高高股市預測了。
環球市場目前的另一焦點，是德國的政治狀況莫屬，市場正在擔心德國可能分裂。
德國9月大選，總理默克爾領導的保守黨派基社盟（CSU）及社民黨（SPD）只拿到246席，未及國會709席的一半，只好拉攏自民黨（FDP）（80席）和綠黨（Grünen）（67席）籌組聯合政府。但經過兩個月的組閣談判，於上星期日午夜前宣告失敗。參加組閣談判的自民黨宣佈，退出談判，該黨主席林德納說：「與其錯誤執政，不如不執政。」
默克爾傾向於重新大選，但德國總統施坦因邁爾則表示，現在聯邦德國面臨著歷史上前所未有的境況，他呼籲各政黨承擔起組建政府的責任，不能把這個責任推給選民。有分析指全球正出現一個民主倒退潮，因為選民已對選舉投票感到厭煩，除了投票選舉令到社會分裂，人人都因分顏色分立場之外，更重要的是投票結果，睇唔到跟之前的狀況有什麼分別。
事實上，好多專家都對默克爾的組閣談判不太樂觀，默克爾領導的是保守黨派，自民黨是重商主義派，而綠黨是環保派，睇各黨派的代表顏色已經知道，三個黨派的顏色是黑綠黃，就如同牙買加的國旗顏色，德國人遂稱之為「牙買加組合」。如今幾方面堅持己見，組閣觸礁，若要要重新大選，市場怕會讓極右翼、反對移民的另類選擇黨(AfD) 在國會中得到更多議席，現時另類選擇黨已經有90席。
德國變局，會影響歐洲股市。
陸羽仁
袋鼠，係啊，又到火雞節，成班人一齊大食會，真係幾開心㗎。跟住週末就開始佈置聖誕燈飾
，一路熱閙到新年 
，下星期才出門。 
2017-11-22
Dow Jones Industrial Average (^DJI)
23,526.18 －64.65 (-0.27%)
股市癲度有得計
2017年11月23日
港股連升兩日，一口氣爆上三萬點大關，升得咁急，有啲慢牛變快牛感覺，有保守茶友就出嚟示警，話樓市股市咁升法，玩得幾耐令人擔心。
股市咁升，唔係個個茶友都搵到食。有茶友慨歎，佢名下組合股票喺呢輪升浪冇乜得益，去到噚日先至有隻滙控(0005)
叫做稍為跟上，但距離今年高位仲有距離。可能因為佢少買科技股升得少，所以特別冷靜，所以佢就話，依家個市有啲九七年股樓齊炒嘅味道喎。
樓市癲過股市
茶友喺九七狂潮時，已經係有樓有股之人，佢話當時市區樓價一萬蚊一呎，恒指升到17000點，加埋當時失業率跌到2.5%，的士司機人工去到兩、三萬銀一個月。睇番依家，市區二手樓價去到兩萬蚊樓上，新樓仲更加貴，恒指升到去30000點，失業率跌到3%，係咪已經有啲焦焦哋嘅感覺呢？
茶友溫故知新，的確有助大家去量度吓本地資產價格去到乜水平。如果以依家樓價為例，以20年高位比較升咗一倍，同股市升幅差唔多。
如果話樓價20年升一倍，本來唔可以話係太誇張，但因為九七年樓市狂潮癲度極強，所以依家樓市癲度都好高。
如果叫陸羽仁去評估，依家本地股樓資產價格癲度，樓價差唔多已經接近九七時八、九成，新樓甚至已有過之。至於股市癲度就仲有距離，大約係七成左右。
點解樓價同恒指升幅睇落差唔多，陸羽仁覺得癲度有唔同呢？最主要係樓市結構同股市結構唔同，樓市依家新盤主導，同過去二手樓主導唔同。受辣招影響，依家購買力谷晒去有發展商做二按嘅新樓，一、二手樓差價好大，新盤偏貴，令樓市癲度增加。
相反，股市過去二十年結構大變，中資股變成主導，尤其呢浸升浪主要係由騰訊(700)
帶動，其他傳統藍籌其實唔係咁高，就以呢排升得好啲嘅港交所嚟講，噚日雖然大升9.4元，收報254.2元，但同佢喺2015年創出嘅298元仲差近兩成，從估值而言只能講唔平，但未算好癲。
三萬點關最好打下椿
當然，股市次次爆破情況唔同，水平都有差別，依家股市癲度就算只有九七年七成，唔代表佢必定唔爆，做個評估一來係俾個參考，二來係表示若然呢個位爆破，咁將來返家鄉路程都冇咁遠。
依家評估個市癲度，另一個現象係升勢未全面，冇出現雞犬皆升亂象，好似周一指數爆升，但創一年新高股份唔過一百隻，反映炒作資金仲未係舖天蓋地而嚟。噚日大市都係一樣，急升大股好似騰訊、平保(2318)
都係上完就回調，顯示資金會食胡調整。
噚日大市爆升，一開市已升穿三萬點關口，其後一度逼近30200點，收市仍站穩三萬點以上，創逾10年高位，收報30003點，升185點，國企指數收報11958，升84點，成交金額1574億元。
熱炒股騰訊(700)
回吐，跌0.74%，收報426.8元；中國平安(2318) 
都跌2.4%，報收84.1元。另外半新股閱文(772) 
大插4.4元，收報88.55元，易鑫(2858) 
低見6.43元後，彈番上7.38元收市。熱炒股回調，藍籌中變半冷嘅大笨象滙控(005) 
升1.8%，收報76.95元。
照個市睇如果喺三萬點打吓椿，炒吓落後，咁好似中環茶友中有畏高症者，就會冇咁擔心。
陸羽仁
Kathleen，袋鼠又咪係咁啱睇到妳留言
呢幾日使唔使舟車勞頓，趕去見親人一齊食火雞？
Have a happy thankgiving!
如果你上網用搜尋字『中國地產 証卷化』，使用谷歌或者百度，都主要係揾到啲講REIT（基金單位形式嘅收租股），或者亦會講吓按揭證券；如果加埋樓花兩個字，大慨都無乜特別搜尋到。袋鼠係今日先至知，啲內龍頭地產發展商，而家係將啲樓花合約，以證卷化來即時套現，唔使好似以前咁等到入伙先至收尾數；咁做原因係以公司發債集資渠道，被樓房調控截斷水源。唔知可唔可以話佢哋想像力好過香港啲地產發展商好多… 至於會唔會有乜額外政治層面及金融風險，呢度多數網友都有咁上吓金融市場經歷，應該可以獨立思考；當然，其實可能係無乜問題 - 有呢種樂觀想法係個人嘅事，與人無尤，都無問題嘅。
Chinese developers turn to mortgage balance-ABS for liquidity
上星期津巴布韋開始嘅不流血政變，俾機會穆加貝去辭職，條友唔肯辭，就用國會去彈劾，嗰班軍人有本事，表面上盡量做到好好睇睇，真係好嘢。其實軍隊、國會、同埋前任唯一總統，根本全部都係自己人，所以呢個國家會唔會有好轉，只有拭目以待。但係成班自己人內哄，全因為有個黑人版江青Gucci Grace（响香港名店打過人，靠外交豁免甩罪）。
不過好明顯，作為一個強人政府，而家只係成街人慶祝佢落台，其實都幾失敗；君不見右邊嘅希特拉，或者左邊嘅北韓金氏政權，都係hard sell個人祟拜‡，以群眾力量做皇牌；一旦政權係被威脅，當其他政治斡旋博奕失敗，最終就會出動呢張皇牌，到時就真係死得人多。咁樣死得人多嘅近代歷史有唔少例子，之後得到教訓而去完善制度嘅方案亦有成功例子，只不過人群嘅集體記憶係被時間沖淡，以為明天會更好，不知不覺地一同走回頭路，為未來歷史課堂再提供例子。
‡好聽啲叫做以人民為本而立，只不過人民真係得益嘅話，根本唔就需要hard sell啦不過當局者迷，直到penny ｄ ｒｏｐ嗰一刻之前，啲人又真係會感覺上認為已經得益 — 而且呢樣嘢，就算係資本主義自由社會，都係會瀨嘅嘢。某程度上特朗普都針對其中一部份社群咁做，佢啲鐵票就係咁樣得嚟。
樓市狂升後，股市狂炒，再來就是要等齊人，引爆樓股食大荼飯！但幾時爆半年1年，定2年！？
樓市狂升後，股市狂炒，再來就是要等齊人，引爆樓股食大荼飯！但幾時爆半年1年，定2年！？
叮噹....全日大市收30003, 成交1574億
799全日收9290, 成交1.06億
772全日收8855, 成交11.1億
2357全日收4310, 成交8347萬
700全日收4268, 成交170億
個市咁升法，係咪要沽下啲貨.....
kaka: 市場現在欠的, 就是怕怕的市場人士, 等到怕怕的都變成--->無有怕. 大市就人齊了......
將軍，無啊，怕怕，唔敢進場
kaka: 你....你跌入了大戶的圈套........
將軍，食全餐，我倒了，買熊又已死，跟做好倉又比700壓住。
kaka: 700是大戶的棋子, 亦是賭枱上的工具, 大市突破3萬, 熊人死足9成, 大戶自然又會推低700, 呢招叫---->食全餐. 大市現在是新人勿近呢.
市場只是人為的賭局而矣.
將軍，今日700算唔算單日轉向？
大戶兄: 大市重上3萬點, 必定有市場人士獲利回吐, 又有市場人士畏高症發作, 回調是很正常的, 除非出現單日轉向, 很多老散等回調買貨, 人仍然未.....齊.
將軍，
有冇人齊既感覺？
叮噹....半日大市升近3舊, 成交940億, 大市今日突破了3萬點呢.
799半日收9280, 成交5千800多萬
772半日收8960, 成交8.09億
2357半日收4200, 成交2千400多萬
700半日收4294, 成交96.49億.
袋鼠，最近少上網，今日往回看才見到你上週五的留言，不好意思呢
是的，已轉了時間，通常在11月第一個星期日轉。
大戶要一開市秒殺肥熊，淡友今次真係輸到渣都無😢😢😢
早呀～
Good morning.