PACO名人會
PACO名人會
PACO名人會

李子俊首執導演筒 畏水張晉拍《狂獸》︰好彩我無死到

2017/11/27 08:41:20 網誌分類: 娛樂
27 Nov

        李子俊首部導演的動作鉅片《狂獸》,除用誠意打動影帝林家棟演出,說服型男余文樂做大奸角,仲為張晉度身訂造一個「最惡刑警」角色。我先後同張晉合作三次,見他不斷進步,現已能獨當一面,更首次擔任男主角,好值得鼓舞。張晉坦言拍《狂獸》是從影以來最辛苦一次,身心都超額完成。最大挑戰是克服「畏水」,勁怕水的張晉憶述:「我問導演『可唔可以刪咗我嘅潛水戲?』最後頂硬上,好彩我無死到咋!」越級挑戰自己,最終成就一部好有睇頭的電影,我睇到拍爛手掌!

        近日正式上映的《狂獸》,票房口碑雙贏,首先要恭喜第一次做導演的李子俊,處男作就有好成績。子俊係資深電影人,曾為《聽風者》、《盲探》、《竊聽風雲》系列等電影擔任副導演。今次電影題材大膽,子俊說:「將人性推到極點,就只會剩番狂性同獸性,喺部戲張晉身為警察,誓要捉到樂仔(余文樂),而樂仔就搏晒命咁為咗啲黃金,就體現咗兩極人性。成個故事同監製鄭保瑞、編劇李春暉一齊度,編劇知我鍾意水和海,第一個諗法就是十號風球下,水底打劫黃金。之後慢慢去砌靚個劇本。」

        「造型令我愛上角色」

        在導演子俊精心打造下,張晉成功化身瘋狂刑警「西狗」,在片中紋身染金毛扮最惡刑警,顛覆以往警察正義形象,他表示最初亦拒抗角色。張晉憶述說:「最初導演搵我傾時喺個party度,同我講個故事,我心諗『點解個警察會咁樣,無可能咁顛喎!』之後再約出嚟傾,我都係未能掌握到『西狗』呢個角色,唔知點去演,有少少接受唔到。到第三次見面,導演帶埋notebook出嚟,開電腦畀個造型我睇,我一睇個造型就明嘞!個造型令我愛上呢個角色。」

        密集式潛水訓練

        故事圍繞走私黃金,有多場重頭戲都是潛落海或是在船上濕身拍攝。水底打鬥夠gimmick,但執行上困難重重。子俊說:「我哋特地到無錫全亞洲最大攝影廠連續拍攝50日,每日無間斷深潛到水底實拍實打。第一日去到無錫個廠,一落水啲水唔得呀!演員距離兩米都睇唔到,好混濁,停咗一個星期唔拍。其間搵水質專家淨化啲水,搞清啲水先可以正式roll機。」除了余文樂,張晉同林家棟完全不懂潛水,他們都進行密集式潛水訓練,為角色做足準備。不懂潛水更出名怕水的張晉表示,「我好驚潛水嘅感覺,好多嘢罩住我,係驚㗎!我問導演『可唔可以刪咗我呢場戲?』但係重頭戲喎,就去學潛水,點知仲驚。去到無錫個廠,問水深幾多?一聽有9米,嘩!頂硬上啦!好彩我無死到咋!」

        「跳起嚟打講timing」

        演員苦心經營,今次動作指導李忠志設計的精采動作場面亦令人拍案叫絕,其中重頭戲在暴風雨下狂打,張晉亦印象最深,「喺船上同樂仔隻揪嗰個鏡頭NG咗好多次,因為要配合好多嘢,首先係船隻傾斜度、我乘住個浪嘅來勢,跳起然後打樂仔,整個動作好講timing,要食到個浪又要打,仲要記對白,所以都拍咗好多take。」張晉發揮最擅長的打戲外,片中有一段他和大肚養女蘇麗珊的一段父女情亦好touching,鐵漢中帶柔情。

主持︰黃柏高
統籌︰林永匡
攝影︰袁東亮
協力︰林書鉉
化妝︰翁嘉齊
服裝︰Koyo
髮型︰EveWong@HairCorner
場地︰心燒食堂(電話:23838686)

 
■前後經歷約3年時間炮製的《狂獸》贏盡口碑,張晉(中)和導演李子俊(左)付出不少。
■前後經歷約3年時間炮製的《狂獸》贏盡口碑,張晉(中)和導演李子俊(左)付出不少。
■金毛張晉由畏水,變成可以獨自深潛,其間下過不少苦功。
■金毛張晉由畏水,變成可以獨自深潛,其間下過不少苦功。
■導演李子俊亦讚賞志叔設計出水底威吔戲。
■導演李子俊亦讚賞志叔設計出水底威吔戲。
 
■為查案不擇手段嘅張晉(左),要暴打樂仔。
■為查案不擇手段嘅張晉(左),要暴打樂仔。
■壓軸戲碼是十號風球暴風雨下狂野打鬥,張晉表示最深刻。
■壓軸戲碼是十號風球暴風雨下狂野打鬥,張晉表示最深刻。
■張晉激讚李忠志嘅動作設計出色,「唔單止演員嘅動作有風格,連武指嘅動作都好夠勁。」
■張晉激讚李忠志嘅動作設計出色,「唔單止演員嘅動作有風格,連武指嘅動作都好夠勁。」
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.