生死走一回

我發覺主板最多人發聲時係聲討版主😅咁又係佢真係好多年來都叫人唔好上車，叫人買大陸樓（雖然都冇錯但睇你好唔好彩買左D咩）。我發現如果自己冇個竇真係好慘，細細地單位每個月都坐厎俾兩皮租金+雜費，都幾傷。

14.6.2018 @ 2300.

Russia v Saudi Arabia

世界盃幾時開鑼？

唯有捧德國……

今次買恆地失敗得個吉，今天$52.60放左，唔使蝕但亦冇得賺。

嘻嘻，昨天你寫QV，我都用過。

原來你意思係AD cream，我就未用過。下次去找找看。

同意施丹係一個聰明人，功成身退，完美告別。

Persie,

日本藥妝店有隻A.D.cream, 淺綠色盒, 我呢兩年有幾次皮膏敏感, 身出左一堆紅粒粒, 搽其他藥膏係完全無用, 但搽呢隻A.D.cream, 幾日就好番晒.

施丹辭職, 證明佢係個智者, 在巔峰引退, 世人永遠記得他最光輝的時刻, 況且巳經歐聯三連冠, 之後如何再推動隊波再去更高? 我覺得佢呢個真正是一個智慧的決定.

佢都冇proven result，唔會。係都只會得幾個月貨仔。

佢會去PSG嗎？交換生，哈哈😄

我都係開心得太早，嘴唇的皮膚真係唔得，本來有1/4係冇事的，今早連那1/4都變得乾透，唔正常的樣子。

其實我媽咪試過唇炎，歷時一年多，看遍了皮膚醫生都唔好，醫生甚至刮過佢唇的皮膚組織去驗。佢話現在都未完全好晒，即係無法回到以前的皮膚狀態。最後係史泰祖醫生醫好佢的。

雲加唔係會去皇馬吧！

聯廣，我會試試，謝謝。

很奇怪在香港時唇瘡反反覆覆。現在日本不是說它已痊癒，但起碼上唇係唔太睇出有事，佢在不斷換皮，我早上會塗上凡士林捽掉死皮。嘴角的唇瘡已經枯萎，皮膚仍然好乾好乾，我都會捽掉死皮，但紅印頗深，相信需要一段時間才會褪。人老左，印好難退。痕癢的皮膚敏感已好返90%，但摸落去知道它仍隱伏在深層。明晚回香港就見真章。

ZZ驚天辭職！

😱😱😱
會不會同C朗有關？
之前C朗暗示過想走
現在C朗留，就爆出Zidane走。

有冇關係？
定真係急流勇退？

連續三屆歐聯冠軍，我敢說後無來者！

Persie, 你的失眠問題，我覺得到世界盃時反而會自動解決。另外若唇瘡仍未好的話，試試睇中醫可能是辦法。

ZZ的運氣，確實羨煞旁人。

登入N次失敗，打左D嘢冇晒，激死！

Persie,

旅遊能醫百病呀, 盡情玩啦. ^^

皇馬三連霸, 實力以外, 無可否認施丹真係個天生勝利者, 有運.   執教兩年半, 三個歐聯冠軍, 恨死不知幾多資深名教練.

睇完歐聯比賽，目睹Karius兩個不堪的錯誤，成就皇馬盛世，我就馬上碌了個篋去東京。我生了兩個個唇瘡，整個月都無法痊癒，再加上下巴繼而生出一堆皮膚敏感，令我好困擾，用樣衰去形容一點不過分。甚至有人問「你係咪皰疹」令我不能不帶上口罩。我同大眼姐姐醫生講咁樣唔係辦法，佢答我，你去日本咪好囉，我另一個病人皮膚敏感去西班牙好返晒，只係回來香港有翻發。奇怪地，落機一天我的皮膚敏感已經褪了大半。個唇瘡冇奇蹟好返但亦冇惡化。希望快D好，我friend話我係免疫系統失衡，適宜唔睇世界盃治病。我話呢個就冇可能。我最近係有失眠的問題。每晚睇完刑事偵輯檔案仍然眼光光。

好似話佢英文麻麻，得唔得㗎？

卡蘇拿離開阿仙奴了。佢好好波，左右腳皆能，球品好，人又cheerful。好多謝佢為阿仙奴作出的貢獻🙏

新領隊？

英國傳媒稱艾瑪利將接替雲加執教阿仙奴

因為愛將基奧特，捧車仔！

說穿了係反曼😝😝😝

世界盃對法國有期待，但我的「法力」真係勁過比利，所以唔敢捧自己的愛隊。還有另一隊，你知的，但不要說出來。

以前只要保持登入狀態就不需每次都重新登入，已好多年冇用密碼，結果要搵番密碼先至入得番喱。

新版設定似乎係以手機方便為主，雖然係大勢所趨，不過暫時都只覺得弊多於利。

Persie, 今晚足總盃你捧邊隊？

係啊，球場的保安都係背住場波冇得睇。

我去過一年，見識到D鬼仔富二代點樣無法無天。終於有高層出聲趕佢地走。係銀行家的寶貝仔和朋友，飲到醉晒high晒。

現在好難跟人去，上executive suite 唔再好似以前用紙badge，而係用張咭，in 左要out 返先可以再入。以前有張出門的平飛已經好容易可以入到suite。

舅父仔

我這幾天出勤，守門口，背向球場架。

只是問下你有冇拉衫尾跟朋友入廂商！如有去，你一定會見到我，因我守在主出入口。

冇啊，D飛咁鬼貴。妳有得免費睇😂

舅父仔

4月頭rugby 你有冇去睇？

我企在廂房樓外，吹了2天北風…………

我在想，如果我地昨晚對馬賽應該可以贏他們的，就可惜我地去唔到昨晚的階段。

馬體會3-0擊敗馬賽捧杯

決賽在Lyon打，馬賽算係半個主場
馬賽開局唔錯但把握力差
轉頭就犯錯送上機會俾馬體會
機會主義者基士文點會走寶
1-0
雪上加霜馬賽playmaker皮耶大腿後肌受傷含淚出場
下半場幾分鐘基士文乖巧chip過龍門射成2-0差不多大局已定
80分鐘馬賽靚頭槌中柱，連運都輸埋！
臨完場隊友造就馬體會隊長加比3-0，係隊長今屆開齋波
跟住仲俾埋王子Torres出場告別球迷，好warm. Nice gesture！

歐霸盃基本係俾西班牙球隊壟斷。

連根拔起，不容許一丁點雲加DNA留低。

Arsenal have let a number of key backroom staff members go as they continue their biggest restructuring in two decades following Arsene Wenger's departure.

A club source confirmed to ESPN FC that head of medical services Colin Lewin was told on Monday that he was losing his job after 23 years at the club, joining several other long-term Wenger allies in departing.

First-team coaches Neil Bamfield and Boro Primorac, goalkeeping coach Gerry Peyton and fitness coach Tony Colbert have also been let go.

Wenger's assistant Steve Bould has been told he can stay, although the Telegraph reported on Tuesday that the former Arsenal defender is waiting to see who the new manager will be before making a decision.

Kit Manager 幾凍都著住短褲的阿伯亦都宣告退休。

雲加看似走得好風光，亦係他老人家積聚22年真心實幹的辛勞令大家出心去尊重他，好來好去。

Josh Kroenke 就睬你都傻，攞住掘頭掃把趕你，還要將你的一眾餘孽一併消除，免卻後患。

我可以cut and paste 喎，在note pad 先寫好，再cut and paste過來。

我想頭條逐步改善中……

要返屋企我亦遇到同樣問題，要去人家屋企借鑰匙。

今日開始登入後，在右上方見自己嘜頭，按入就回到自己家。

我問題是我在另一輸入法打廣東話再c&p,但新頭條做c&p我仲未識点做，現在，唯有在手機手寫版中……sign

蕃茄，見到你真好。我好耐冇寫網誌，只係來瀏覽，同埋我save晒網友家的link，所以改版版對我影響唔大。

最奇怪係第一次找不到自己網頁，要去Bobofox家撳自己個名回家😨

馬仔, Persie,

我都有D唔慣個新版面嘅操作, 不過呢樣只係次要, 最緊要係大家都依然會娶集出現在呢處 ,內容至係最重要.

張profile pic 咁鬼醜樣，個章都對唔正，點搞？

Huddersfield 上下對雲加非常好，真要感謝他們給雲加這個尊重。昨日天朗氣清，藍天上的banner特別清晰耀眼。到最後阿迷都係愛雲加的，好好送別了他。

哥帥為曼城帶來100分的豐功偉績，誰與爭鋒？已經前無古人，亦不知往後是否有來者。

巴塞被利雲特打破不敗身，有冇搞錯？

我都研究左一陣，都係覺得好差。真係新不如舊（希望阿仙奴唔係），一個時代的終結。

現在頭條好多人走，我吾想走呀！走咗冇地方吐心聲，和大家傾偈……

吾通又一個時代的終結？？

所以我好努力學用新頭條…………

現在一版過show晒所有blog,如果摝到最尾回應，都不知自己在那篇上作回應。

以前只要去最新回應，就可follow 最updated留言。

現在要去某個blog文，再耐心地士去到那blog所有回應的最尾段，才可作回應。

但最尾回應又不是版面最尾，

發表完回應但轉頭唔見左！

新版頭條好吾慣，我吾介意你賣廣告。

但還我舊版吾該

歡送完雲加之後就到恩尼斯達。這位球星堪稱 a footballer and a gentleman. 講球技加人品，佢真係遠遠拋離其他人。佢含淚說goodbye可能去日職聯；3年前沙維走由小白站台，今次小白走不知誰來送別？

週日晚的El Clasico 又係bad blood 到無倫，打鬧到飛起。由於皇馬唔肯列隊恭賀巴塞奪冠，完場後碧基直頭嗌microphone：「既然人地唔肯列隊恭賀我地，我地自己黎！」結果所有巴塞職員列隊。 比賽當中碧基在阻止C朗入球時又係有理無理踩落佢隻腳，都唔多唔少有抽水成分，結果下半場要收起C朗。美斯睇拉莫斯唔順眼又踢佢，領黃牌。巴爾踢烏迪提的 calf （腳瓜long），真係鞋釘印晒落去，但球證放過巴爾冇俾牌。做得差嘅球證真係會害死場波，一分鐘後沙治羅拔圖少不更事去搞馬些路，馬些路放大100陪跌低球證突然直紅沙治羅拔圖。美斯不停向球證投訴，但其實恩尼斯達才是隊長。 美斯反勝2-1的一球，阿蘇俾波前可能有犯規；但巴塞射成3-1被吹越位，又其實冇越位。巴爾靚波追成2-2之後馬些路又在禁區同艾巴碰撞倒地，混亂到飛起之際球證冇guts俾12碼。 大家都有機會贏但大家都贏唔到，2-2完場。 巴塞尚且有不敗身要保持，皇馬卻係冇乜嘢爭取，純為國家打比啖氣，實在無必要咁搏命，C朗受傷影響歐聯爭霸就唔好。

美斯失控都可以理解，因去年國家打比美斯被馬些路打一踭頭暈兼嘴部流血，又止唔到血，逼住要咬住舊好大嘅棉花止血，係國家打比一個難忘場面，咁佢見番馬些路和拉莫斯梗係火都黎。好個恩尼斯達，仍然保持冷靜，絲毫不會受球場中的氣氛影響，值得所有後輩學習。

一個時代的終結，昨晚係非常感人的時刻，難忘的道別。這個世代，不會再有22年的領隊。費爵雲加一笑泯恩仇之後一星期，費爵就腦溢血做了大手術，令我想起鬥了一世然後攬埋一齊死的西毒北丐。我衷心祝福費爵大步欖過，早日康復。

一如所料阿仙奴歐霸出局。出局都算，表現實在太差了，冇鬥心冇戰術，想評論下場波都難。唔明白為何雲加堅持用奧斯賓拿，但無論如何佢都係自作自受。

高斯尼在沒有人碰撞佢之下自己整傷，傷勢嚴重將會缺席世界盃。

歐聯semi，拜仁兩個回合都有全面取勝機會，奈何後防失誤，龍門太雞，斷送大好機會。昨晚下半場一開波的失誤，真係令人難以置信的不堪，沒有了紐亞就落得如此下場？反之皇馬龍門拿華斯表現神勇，帶領球隊連續三屆進入歐聯決賽，可喜可賀。

見到基士文入波，感覺好似一個重複又重複發極唔完無法擺脫的惡夢，一次又一次，阿迷真的受夠了。

我相信我們昨晚已經出局了。

恭喜利物浦沙拿成為今屆英超球員先生👍👏👏👏

聯廣，多謝你。記起好多快樂年華。懷緬過去常陶醉，一半樂事一半令人流淚。

頂你熱刺，開局開得咁好，都無法拋開紀錄，上半場又撞柱，最後竟然俾曼聯反勝。 捉到鹿唔識脫角。

嘩……我唯一認識的是柏金

嗯.... 走的終需走

 似水流年, 不可以留住昨天   我見返奇連士文做領隊時都好唏噓

那些年很強的阿仙奴

Persie, 讓你懷緬過去……。

同意，但在我心中雲加都係一個特別的人。可能我係老餅時代，我感謝他為英超帶來的改變，我會永遠記住，我會給他掌聲。某程度上佢都係一個悲劇英雄，創造出悅目足球但未贏過歐聯。這方面柏金都有點相似，一早離開阿積士，所以冇歐聯獎牌，在國米，阿仙奴都贏唔到，反而國家隊隊友施多夫有四枚，你話柏金好波定施多夫好？當然施多夫都好，但獎牌數目不應如此懸殊。

我腦海中最快樂的足球時代係美斯16-7歲和甸奴拍檔的時候，即係14年前，原來係2004 The Invincible 的年代，想起都開心。我可以重複睇美斯甸奴的入球，或者柏金龍格堡的入球，或者 The Invincible的入球好多好多次而不會悶。

蕃茄你對，係一種投射，所以從昨晚開始都周身唔聚財，唔知想點。

Persie,

--->" 這並不是什麼難捨難離之情，其實係冇，只係驚覺彈指之間22年過去了",

我發覺很多時, 我們會因為某些 事 / 物, 某些人的逝去 而 懷念,  這種懷念,有部份是因為驟然感到 似水流年, 不可以留住昨天, 是間接投射 懷念自己的青春歲月.

蕃茄，雖然已經預左，但依然有一種難過的感覺。這並不是什麼難捨難離之情，其實係冇，只係驚覺彈指之間22年過去了，和雲加一起感受了好多，亦多謝他帶給英超不同的元素，給英超帶來永久的改變。我會永遠記得他。

我有位好朋友剛去了朝聖，坐在雲加的椅子拍照，去得及時，真係有緣人。

希望球員生性，為雲加贏歐霸盃。