正能量
2017/12/08 08:42:09
網誌分類:
經濟
「破產唔緊要,無錢樓唔緊要,最重要係有正能量。」
「失戀無有怕,我同你去蘭桂芳,泡番啲正能量,正追女。」
正能量真係無堅不摧,雖然有一點濫,但係,的確有效。
我有個朋友,聽我這麼說,就不相信,認為「正能量」三字,已經成為敷衍了事的口頭禪。
我就和他打賭。
「你不信有正能量,那麼,你怕不怕有負能量?」
「我既然不相信正能量,那就不怕負能量。」
好吧!我跟你打賭。你每天起牀,面對鏡子,跟自己說三分鐘的壞話,我係一個衰人,樣衰、口臭、好失敗、無用、無朋友,唔死都無用,生又累街坊死又累朋友。每天早午晚說三次,每次三分鐘,如果,半年之後,你唔生cancer,我就輸你十萬蚊,你濟唔濟。
朋友遲疑,都不敢向自己灌輸負能量,終日苦口苦臉,揤都唔笑,怕壞能量傷害身體,當堂縮沙。
所以,你話有無負能量,一定有,而且,破壞力驚人。所以,用辯證法思考,有壞,就必有正,正能量幫帶給你樂觀,信心,真善美的價值觀,必然對身心有效。
每日三分鐘,對住塊鏡說「我是世界上最幸運的人,又靚仔,又開心,身體又好,又多朋友幫手,做乜都順風順水……」一日說三次,每次三分鐘,包你願望成真。
林超榮
回應
(0)
我要發表