PACO名人會
PACO名人會
PACO名人會

伊館首開售票騷 R&K:用自家製樂器玩音樂

2017/12/11 08:41:18 網誌分類: 娛樂
11 Dec

        入行5年的二人女子唱作組合Robynn & Kendy(R&K),將於12月29日假灣仔伊館舉行首次售票音樂會《Robynn & Kendy Reflection Live》。Robynn(葉晴晴)和Kendy(孫曉慧)坦言好緊張,勤做運動保狀態。是次音樂會除了有她們擅長的翻唱曲,當然亦有她們多年來的出色作品,以結他、keyboard伴奏外,亦加入大量玩味元素,Robynn笑說:「我哋將會好忙,搬好多自家製嘅小樂器上台玩,仲會有家嘅感覺?。」兩把清新靚聲王盡情獻唱,我好期待這個Show。

        現年31歲的Robynn和Kendy,早年分別由美國和英國畢業回流香港追尋音樂夢,並在一次音樂聚會中認識,結果一拍即合於2011年製作改編歌、自彈自唱放上網,第一首翻唱歌《你是我的女人》反應好好。其中《思念是一種病 x Where is the Love》更有逾二百萬點擊率,後獲環球唱片公司賞識並簽約成為歌手。14年,R&K參加內地的《中國好聲音》,清新唱功網民爆like,人氣飆升。

        翻唱走紅

        今個月尾,R&K終於開到首個賣飛音樂會,場地更是能盡情表演唱功的新伊館。談到音樂會主題是「Reflection」,Kendy解釋說:「我哋2012年正式出道,到月尾正好係入行第五年嘅終結。Reflection想講返以前5年嘅旅程,好多歌都會勾起我哋和粉絲嘅回憶。」Robynn補充說:「其實個騷年頭已經講話會開,之後陸續推出單曲,直到年中仲未開愈來愈驚,因為好多人以為我哋已經開咗呢個賣飛騷。之前舉行過唔少宣傳形式嘅音樂會,今次開騷一定要與別不同。」

        「拎晒『架生』上台」

        R&K非常重視這次音樂會,籌備時在舞台設計、揀歌和造型上都大傷腦筋。Kendy說:「我哋第一次開會就問大家,『想觀眾睇完個騷有咩感覺?』答案係warm同touching,所以舞台設計唔使花巧,同我哋曲風一樣,簡約清新,加上同觀眾距離比較近,可以互動多啲,有種家嘅感覺。」Robynn亦表示今次會玩小樂器,她說:「早前我哋上《中國好聲音》,因為要帶好多小樂器去伴奏,好似杯咁可以敲打,次次上去執行李篋都好似『走難』咁。今次喺台上都會好忙,搬好多自家製嘅小樂器上台玩。慶幸音樂總監EdwardChan同我哋合作咗好耐,好了解我哋鍾意拎晒『架生』上台,想將呢點放大嚟玩。」

        音樂會當然唔少得改編及翻唱作品,亦有兩女近年的創作。Robynn笑說,「我哋仲天馬行空想邀請一啲我哋翻唱過嘅原唱歌手嚟,好似一個大party咁jam歌。」講到造型,兩女都賣關子,Kendy笑謂:「其實我有諗反串着西裝,因為好多人覺得我哋係非一般女孩子似boyband,可能有part玩反串,女扮男裝幾得意。」最後,Kendy同大家分享一吓她的獨門護聲秘方,她說:「我喜歡少少威士忌加熱水,再加片陳皮,幾潤喉㗎!」而我就喜歡威士忌加熱水,不時推薦畀歌手,有放鬆喉嚨的作用,而初起感冒時飲亦好見效,大家不妨試吓!

      

        
 
■Robynn(左)和Kendy才華洋溢,自彈自唱又作歌,且清新唱功深得大家喜愛。
■Robynn(左)和Kendy才華洋溢,自彈自唱又作歌,且清新唱功深得大家喜愛。
■年中R&K推出新歌《負攝石》及《無敵》,造型跟以往有很大的不同。
■年中R&K推出新歌《負攝石》及《無敵》,造型跟以往有很大的不同。
■Robynn(右)是已故中共開國元老葉劍英孫女,她和Kendy的音樂造詣好出眾。
■Robynn(右)是已故中共開國元老葉劍英孫女,她和Kendy的音樂造詣好出眾。
 
■Robynn興奮表示會玩好小樂器。
■Robynn興奮表示會玩好小樂器。
■今年中,R&K在九展開騷,合唱《愛之初體驗》等。
■今年中,R&K在九展開騷,合唱《愛之初體驗》等。
■Kendy爆音樂會有機會女扮男裝。
■Kendy爆音樂會有機會女扮男裝。
 
■Kendy期望音樂會帶畀觀眾有家的感覺。
■Kendy期望音樂會帶畀觀眾有家的感覺。
■14年,R&K參加內地的《中國好聲音》,晉級楊坤組8強。
■14年,R&K參加內地的《中國好聲音》,晉級楊坤組8強。
回應 (0)
我要發表
user