木水火
木水火
木水火

政情:為工友籌款28萬用得5萬 李卓人又玩「袋住先」?

2018/01/11 13:00:00 網誌分類: 議員政棍
11 Jan

政情:為工友籌款28萬用得5萬 李卓人又玩「袋住先」? {#iconb_623}

曾將壹傳媒黎智英(漢奸黎)秘密捐款「袋住先」,被踢爆後先交番畀工黨嘅立法會前議員李卓人再惹「袋住先」疑雲。話說李卓人任秘書長嘅職工盟,佢哋嘅「勞工權益基金」早前就為海麗邨罷工清潔工友籌款,仲籌得逾二十八萬元,喺扣除工人津貼同罷工開支五萬多元之後,剩餘嘅近廿三萬元就用作日後抗爭用途。有社交網站專頁就貼文質疑職工盟藉工人名義籌款作政黨工運經費,究竟李卓人係食髓知味抑或「袋住先」成癮,搣唔甩呢?{#icono0_20}

社交網站專頁「生於亂世」尋日發貼,指一直高調協助海麗邨清潔工人追討遣散費嘅職工盟,利用工人名義籌咗廿三萬元,最後只向廿一名清潔工人每人發一千八百元,餘下十八萬元捐款卻不了了之,質疑職工盟藉工人名義籌款,但捐贈變成政黨未來工運經費,批評職工盟「等同詐騙捐款人」。

曾「袋」漢奸黎秘捐達9個月

須知李卓人二○一四年曾經將漢奸黎嘅秘密捐款「袋住先」長達九個月,喺傳媒踢爆之後先至急急將筆捐款交還工黨,今次嘅社交網站貼文隨即引起網民關注,指職工盟「掠水」、「利字當頭」,有網民更留言指︰「李卓人的做法你懂的,你地(哋)越(愈)積極佢就越(愈)富貴!」{#icono0_17}

自辯餘款供日後抗爭使用

職工盟點止籌到廿三萬元,佢哋發表澄清聲明自爆「勞工權益基金」實際籌得嘅款額更高,達到二十八萬五千元,剩低嘅係近廿三萬元至真。聲明又話扣除工人津貼同罷工開支近五萬六千元後,剩餘嘅二十二萬九千多元會用作日後嘅工人抗爭,絕不用於職工盟營運開支;而李卓人亦話籌款時已講明餘款會畀基金日後抗爭使用,並唔係畀職工盟,又話海麗邨工人係知悉籌款用途,反指有關講法係侮辱工人喎。{#icono_86}

立法會新界東補選三月舉行,工黨主席郭永健有意出戰,但本土派亦都對補選虎視眈眈。工黨郭紹傑就喺社交網站上質疑貼文嘅專頁係本土派搞嘅,疑似質疑本土派搞事狙擊工黨。不過「生於亂世」專頁就反駁係抹黑,澄清佢哋唔屬於任何本土派組織或成員,亦唔係港獨人士,只係想更多人睇到真相,彰顯公義,希望職工盟講得出做得到,將捐款用喺工人抗爭。你一言、我一語,真係一地都係花生殼喇!{#icono0_18}

 

  政情:為工友籌款28萬用得5萬 李卓人又玩「袋住先」?

  http://orientaldaily.on.cc/cnt/news/20180111/00176_101.html

 

回應 (1)
我要發表
木水火
木水火 2018/01/11 23:30:00 回覆

//原來李生先係「袋住先」最厲害嘅人。//   {#icono0_17}  {#icono0_38}

【職工盟極醜惡】職工盟將大額捐款「袋住先」惹爭議,不過籌款手法同樣取巧,職工盟元旦遊行的籌款箱上,以「撐海麗清潔工」大字作招徠。  {#icono_40}

不過捐款時,應望清籌款箱上的小字「勞工權益基金」,大小字體覆蓋面積竟相差達3倍以上,伎倆十分卑鄙,職工盟竟然搏市民睇唔到!  {#icono_86}

工聯會理事長吳秋北接受《幫港出聲》訪問時,直斥職工盟籌款簡直是「誤導公眾奸商做法!」

#幫港出聲 #職工盟 #海麗清潔工罷工 #奸商做法

 


Nicky Lee 當初以罷工工潮名義來籌款得28萬之多,所得款項幫助正在罷工停工的工友為暫時生活費。但發放到工人手上只得兩千多元,餘下款項不是發放所有工人的手裡。為何又話留待下次再有罷工潮用作援助?  {#icono_40}次次都以新罷工活動籌款,發放的款項又似類似的方式,如果有10次這樣的工潮,他們籌募所得錢豈不是個金壙掘不完?   {#icono0_17}

 


Patrick Chow 此乃一般騙徒手法,和無良參茸鋪有何分別!賤格      

 

 

【職工盟極醜惡】職工盟將大額捐款「袋住先」惹爭議,不過籌款手法同樣…
SILENTMAJORITY.HK

 

    https://www.facebook.com/silentmajorityhk/posts/1632204683535298

 

user