PACO名人會
PACO名人會
PACO名人會

86歲破紀錄紅館騷 胡楓揚言跳勁舞:搏老命㗎

2018/01/15 08:41:20 網誌分類: 娛樂
15 Jan

 

        影視長青樹胡楓(修哥)下月入主紅館舉行《胡楓86破晒紀錄演唱會2018》,打破最高齡藝人開騷紀錄。修哥除邀請好拍檔羅蘭齊上舞台、契仔周啟生為演唱會音樂總監外,「大眾契爺」的重量級契仔契女亦一呼百應,踴躍開P。今次個唱有歌有舞和笑話,由星級排舞師SunnyWong編舞,「舞王修」當然要大騷本錢,跳ChaCha又大跳勁舞,修哥興奮說:「有獨舞,亦有同藝人共舞等,?家日日跑步練氣,到時搏老命㗎!」演唱會充滿娛樂性,一定要捧場啦!

        修哥下個月三度踏上紅館舞台,以86歲之齡舉行演唱會,自稱是「後生仔」的他永不言倦,有工作就開心。早前連踩兩劇的修哥近日已閉關備戰說:「?家又要練歌、又要寫稿、盡量每日跑步一小時和急步行練氣,都幾操勞㗎!啲歌詞都幾難記,我又唔想睇住字幕機唱歌,因為睇住唱,就冇咁有感情,如果到時真係唔記得,就用啲笑聲冚過去啦!而且我會揀啲適合長者聽嘅歌,我啲觀眾都係上咗年紀嘅人。」

        契仔契女爭住上台

        21歲入行、可謂紅足60年的修哥,粉絲年齡層老嫩都有,其演唱會正正就是一個合家歡節目,修哥說:「我一班孫仔孫女都會上台獻唱,佢哋有啲人中文唔係幾好,?家惡補緊。」除咗孫仔孫女,「大眾契爺」的重量級契仔契女當然會現身撐場,其中影帝張家輝、劉美君、張達明等已答應擔任表演嘉賓。修哥說:「我70歲開演唱會,到80歲又開多一次,已經碌咗好多人情卡,今次86歲再開,請嘉賓就留畀搞手何麗全啦!我淨係親自請咗我老友羅蘭咋!」羅蘭姐就話:「我同修哥咁老友,佢開到聲我一定應承!雖然今次未知要做啲乜,但係我同修哥未試過喺紅館同台合作,所以我都好期待,不過我最怕唱歌,我唔識㗎!」

        羅蘭姐怕唱歌

        契仔女周啟生同方國珊就率先力撐修哥,擔任音樂總監的阿生謙虛話:「契爺先係總指揮官,我輔助佢㗎,最重要做出嚟契爺係舒服、開心,咁我就滿足嘞!契爺不時畀訊息我,畀啲新嘅idea我,有時我就唔聲唔聲,睇吓佢會唔會唔記得,點知佢全部都記得晒,成為控制大局最勁嗰個!」至於身為區議員的方國珊,就落力為契爺宣傳,「契爺嘅fans男女老幼都有,我一早已經拎咗啲海報,畀區內嘅小巴貼,宣傳一吓。」

        Keep好狀態

        敬業樂業的修哥,仍不時要應付夜戲,但精力充沛的他自有一套養生秘方,他謂:「無論拍到幾點、幾攰都好,我都會係咁行唔會坐低,咁樣先可以令血氣運行。食嘢呢,我就會食多啲菜,少啲肉,菜係每餐不可少,如果嗰餐我食咗肉,咁就唔會食飯㗎嘞!總之要食得清淡,唔可以熱氣,唱歌狀態都好啲!」羅蘭姐亦好同意:「?家我除咗中午嗰餐食一碗飯,晚上都唔係點食飯同澱粉質,只係食菜、冬瓜,加幾塊肉片咁。初初咁食嘅時候,到夜晚十一點會肚餓,要靠意志力去堅持唔食嘢,撐過三日就會習慣,肚腩都細咗!」除減肚腩,羅蘭姐拍劇有時都要捱更抵夜,但她都會控制飲食,羅蘭姐說:「我唔飲咖啡,夜晚飲茶又怕瞓唔着,所以唔會咁做;仲有就係唔食煎炸油膩嘢,雖然我都成幾十歲人,但食咗煎炸嘢一樣會生啲粒粒,咁就唔好睇啦!」兩位「老友記」的清淡養生秘方,我非常同意,難怪他們都可以咁健康,寶刀未老啦!

       主持:黃柏高
       統籌:林永匡
       攝影:袁東亮、謝民光
       協力:林書鉉
       場地:阿一海景酒店(電話:23280983)
 
■左起:方國珊和周啟生齊撐契爺修哥開騷,羅蘭姐亦為合作無間的好拍檔上紅館表演。
■左起:方國珊和周啟生齊撐契爺修哥開騷,羅蘭姐亦為合作無間的好拍檔上紅館表演。
■「舞王修」今次找來Sunny Wong做排舞師,透露會同森森班班跳舞。
■「舞王修」今次找來Sunny Wong做排舞師,透露會同森森班班跳舞。
■契仔張家輝(右)自薦做嘉賓,早前約埋契爺練歌。
■契仔張家輝(右)自薦做嘉賓,早前約埋契爺練歌。
 
■日前,胡楓開記招宣佈下月在紅館舉行兩場演唱會,得到不少圈中人出席支持。
■日前,胡楓開記招宣佈下月在紅館舉行兩場演唱會,得到不少圈中人出席支持。
■契仔黎明因演唱會當日有工作未能現身,但亦會準備好大驚喜送給破紀錄的修哥。
■契仔黎明因演唱會當日有工作未能現身,但亦會準備好大驚喜送給破紀錄的修哥。
■修哥近日積極去K房練歌,又開始食得清淡養聲。
■修哥近日積極去K房練歌,又開始食得清淡養聲。
 
■羅蘭姐謂首度與修哥在紅館合作,心情既驚又喜。
■羅蘭姐謂首度與修哥在紅館合作,心情既驚又喜。
回應 (1)
我要發表
淺雪
淺雪 2018/01/22 14:49:36 回覆

{#icons_girl1}

user