講錢真係傷感情架!

2018/01/21 07:34:45 網誌分類: 政治
21 Jan

立法會補選報名期開始之後,泛民陣營的正選遲遲未見搶先行動,與過去的策略大不相同,皆因所謂正選最終會否成空,也很難講。事實上,泛民為安排副選或後備正煞費思量,黨派間至今未有共識,遑論合適人選,選情未許樂觀。(講錢幾時都傷感情架啦!不如邊個選倒都好,二一添作五,人人有份!反正納稅人錢又好、「黑金」又好,人人有份咪冇事囉!)

 

近日風傳九西泛民參選人姚松炎有可能再次被DQ,為穩妥計,必須選準有力的後備人選(計我話:如果選舉條例唔可以阻止DQ左班友再選嘅,咪由得佢地選囉!等佢地真係選倒果陣,法庭再裁決佢地選舉無效----一來等佢地駛一筆錢先、二來再來一招選舉結果無效、三來又再來多次補選....拖拖吓又下一屆咯!反正養佢地、納稅人啲錢都係揼落咸水海咯,唔爭在嘥多次人力物力攪補選吖)。但礙於協調者「民主動力」原先訂下的遊戲規則,將是初選次名的馮檢基,不獲大多數泛民黨派的支持,暫難取得合理平衡,成為西九選戰的最大變數。

 

風傳是否可信,實在見仁見智。法庭裁定姚松炎的議員資格被取消,指的是今屆立法會,即二○一六至二○二○年這四年任期,因此姚無論如何不可能在上述任期內再度成為議員。這是法庭的權威性裁決,並非選舉主任可自行決定。姚的參選資格帶有不確定性,殆無疑問。

 

換人乃牽一髮動全身的事,表面看是遊戲規則的事,端看如何演繹,內裏則是政治利益的考慮。泛民代表若能獲得各黨派衷誠合作,全力支持,贏面頗高,毋庸置疑;自決派、民協、民主黨以至其他黨派,誰不覬覦立法會議席?

 

泛民經常說「大敵當前,沒有分裂的本錢」,可惜一旦涉及具體利益,則另當別論,何況兩大板塊,傳統溫和派與自決派互不信任,益增妥協讓步的難度。

 

學術統籌 宋立功

 

--------------------------

 

那邊廂,自以為係高人一等嘅「公文袋」又有攪作:

 

因宣誓無效而被取消資格(DQ)嘅原建築界立法會議員姚松炎,尋日正式報名參加立法會九龍西補選,多名民主派成員都有去撐場,包括其「Plan B(後備)」人選民協前立法會議員馮檢基。不過,據聞公民黨密謀推翻初選協議,推舉該黨主席兼前立法會議員梁家傑頂替馮檢基(阿基)做Plan B,引起其他民主派非議。

 

民主派早前就立法會新界東及九西補選舉行初選,其中九西初選由姚松炎勝出,阿基得分排第二,按照原先協議,一旦姚松炎被選舉主任再次DQ,阿基就可以自動頂上代表民主派出戰九西。不過,有人質疑阿基喺民主派內部人緣欠佳,吸票能力亦較低(民主派初選:候選人係要討好「飯民」班友、定係廣大市民?)未必能戰勝代表建制派出選嘅民建聯鄭泳舜。

 

據聞公民黨曾私下提議由梁家傑頂替阿基做Plan B。公民黨黨魁楊岳橋拒絕證實有關消息,但強調應該搵最合適嘅人選。民主黨主席胡志偉就認為應按原定機制辦事,否則會引起更大後遺症。(好吖!最好係:一拍幾散)

 

有民主派中人質疑,自毛孟靜退黨後,公民黨喺九西就冇立法會代表,該黨可能擔心支持阿基出戰補選,會影響佢哋喺二○二○年立法會選舉中重奪九西議席嘅機會,質疑公民黨此舉係為咗自己利益。(人不為己,有咩嘢問題先?)

 

沙田區議員陳國強尋日亦正式報名參加新東補選,連同工聯會鄧家彪、新同盟范國威及「娥姐」陳玉娥,該區至今已有四人報名。不過陳國強曾因支持港獨而被取消參選資格,政界估計佢好大機會再次被選舉主任DQ,影響唔到大局。

 

回應 (0)
我要發表
user