占據教員室

不聽爸爸不聽媽

只管聯群發爛渣

今日學堂搞亂檔

它朝蝕底遍地爬

江潮盛傳、日前枕匯大教館爆發「鱷生會」會長率眾凶教頭事件。事緣部份學生在普通話考試之中不及格、號召其他同學占領語言辦公室八個小時、並向女教頭狂「跳老舞」、還要迫使教館取消這項考試和撤換教頭。家陣全世界都學緊普通話以便將來搵食、但係呢班黃毒上腦嘅大學生要自毀前程都唔止、仲想其他同學都冇得學普通話。究竟佢哋憑乜嘢咁霸道？嗱、咱家龍族自古以來都係以尊師重道為做人處世基礎、但今日嘅大學生已經變得目無尊長、粗鄙下流。大教館教職員齊扮鵪𪂹、任由學生來主導。你話嘞、咁樣唔係大教館管理層失職又係乜？有朝一日當呢班學生成為教頭嘅時候、豈不是會教出一群比佢哋更不知所謂嘅怪獸學生出嚟？

坦白講、在戰中爆發之前、大教館一直都被視為作育英才嘅高尚學府。絕對唔似得家陣咁、於人一個爛仔竇嘅印象。由於黃黨教頭要利用戰中來黃化學生思維、便刻意縱容大學生會散播講獨文章和言論。每當受到批評時、大教館就會拿出學術自由這個擋箭牌來擋駕。從此學生嘅膽就變得越來越大、行為越來越放肆、連那個教頭升唔升得到級都要管、甚至聘用誰人來當大教館館長亦先要過大學生會嘅一關。如果館方不就範嘅話、大生會就會號召館內和館外嘅支持者齊齊發難、去凶教館委員、甚至不准他們離開大教館。呢種舉動十足十蠱惑仔「拖馬」和「晒馬」咁款。隱約記得、在戰中其間曾經有報導指出、一共有四路黑幫人馬參與其中。坊間亦一度流傳、黑幫已經滲入大教館了！嗱、咁就難怪當今大學生嘅行為、語調、以及爛笪程度等方面都顯現得是跟黑幫同出一轍嘅啦！有人話係館長失職、我卻認為館監更加係難辭其咎。就算你話我有偏見都冇所謂、總之我就一直認為戰中係老外利用來分裂龍族、目的就係要以罪惡城作為反紅基地。罪惡城之所以變得咁混賬、無非是隱藏在城中各階層嘅無間道嘅數目之多、實在出乎一般人嘅想像。