妖氣沖天

2018/01/23 00:52:30 網誌分類: 講人自講
23 Jan

你說我奸不是奸

搵錢唔使為兩餐

既是相方同做戲

問君何解要為難

 

路邊社報導、鯊區地保會代表尸畸畸(下稱尸君)話要升呢、所以報名參與城代表填氹擂台大賽。但被人踼爆佢在地保會嘅出席率只有六成多、注於其它兩個專題會議嘅出席率更加低至五成、而且在開會時唔係睇手機就係䁯眼瞓、遲到早退更加係家常便飯、但在參與講獨活動方面則不遣餘力。因此有人質疑尸君是否適合擔當更重責任。嗱、尸君是否能當重任我唔知到、但綽號耷頭神棍嘅陳倭兵大掌教非常肯定尸君有足夠能力升呢的。據陳大掌教講、尸君開會時並非瞓覺而係魂遊四方睇察民情、缺席會議只係為咗要親身去打救萬民。陳大掌教強調、一日都係嗰啲凡夫俗子唔識嘢、而對尸君有所誤解、仲叫你哋千祈唔好信喎!

 

據尸君講、今次打擂台是要為街坊發功、好讓朝廷明白何解全城嘅大鱷生會都支持講獨。因為大鱺生會無人承認自己係天朝子民、他們愛嘅係大影細國。因此大鱷生會寧願做大影細國嘅不入流公民、都不願做天朝子民。雖然大鱷生會對大影細國認識有多深無人知、但佢哋對於罪惡城點解會落在影國人手中是清楚的。然而、大鱷生會認為冇乜唔妥。因為佢哋當正自己係影國人。因此大鱷生會寧願罪惡城乞米、都不願意見到罪惡城依負天朝而得米。這就是當今大鱷生會嘅主流思想、亦是大教館在近四十幾年來刻意栽培下嘅成果。君不見大歸廿載、巡捕房還要從大影細國那裡聘請來兩名現役軍官到學堂教授步操嗎?君不見當歸本法與補充法有抵觸時、六判爺只係以補充法為主導嗎?君不見國人教育被城中主流教育界拒之於門外嗎?君不見枕匯大教館鱷生會主席率眾挾迫校方取消煲冬瓜考試嗎?君不見花大叔擺明車馬伸手人罪城干預政治而未遭譴責、反而天朝多講兩句則備受瘋狂攻擊嗎?君不見雖然講獨囂於塵土、但仍然有人一口咬家現在不是擺廿三劑上台嘅時機嗎?咁搞法、想話唔中西合璧都唔得啦!係嘛?!當你想明白這一切嘅話、就會再見到晴空架喇!

 

 

 

回應 (0)
我要發表
user