四萬2.0

2018/01/25 01:54:46 網誌分類: 講人自講
25 Jan

性格仕途互掛勾

不同際遇有因由

若能知足常快樂

比長量短永無休

 

江湖傳聞顯示、當補選委員會可能禁止腰痛炎和兜婷入閘嘅消自出街之後、藍黨有人四出搭路、要求朝廷放上述兩人一碼。嗱、你冇聽錯、確實係藍黨為兩人出頭、而唔係黃黨。不過理由係乜嘢、恕在下唔知到。但葉柳話、腰痛炎和兜婷兩人能否入閘、係由戒律長淨如画來作最終決定的。葉柳強調、目前沒有法例可以阻擋腰痛炎和兜婷人閘、假如腰痛炎不獲批准入閘嘅話、等同剝削其政治權利。葉柳還義正詞嚴指出、罪城人民要嘅係一個有競爭嘅選舉、否則街坊就會唔高興。喂喂葉大姑、係妳講錯、抑或我聽錯、點解冇咗佢哋兩人參加、選舉就會變得冇競爭?嗱、我就想唔明、唔知你又明唔明呢?嗱、如果不知就裏嘅話、分分鐘誤以為葉柳係黃黨發言人嚟𠻹!你話嘞、呢單嘢邪門唔邪門?

 

榕樹頭講估佬Manphi Lee(李盲飛)將葉柳今次嘅行為形容為陳四姑2.0。盲飛哥話、當年陳四姑不獲朝廷重用、便反轉豬肚當起爛民共主來。直到今天還要拖着那個殘驅疾殼到處唱衰朝廷。葉柳兩次不被朝廷重用、加上見到自己嘅師弟和師妹先後當上縣太爺之後、自知今生今世都與縣太爺寶座無緣。在惱羞成怒之下、便發地爛渣來。在阿狼當縣太爺時、葉柳總喜歡在他的背後放毒針。如果把口能夠殺死人嘅話、相信阿狼死一百次都唔止。今日大師姐被小師妹以恩威並重手法玩到氹氹轉。如果大師姐攻擊小師妹、恐怕被人話佢食碗面反碗底。在無計可施之下、就惟有拿小師如嘅手下來出做出氣袋。今次嘅發泄對象、唔使問阿貴都知到係戒律長淨如画。否則、葉柳就唔會將腰痛炎和兜婷單畸屎、直接拉到淨如画身上去、仲要話係剝削政治權利咁嚴重啦!係嘛?!難怪連盲飛哥都睇唔過眼、話葉柳係陳四姑2.0嚟啦!

 

 

 

回應 (2)
我要發表
2018/01/26 03:34:32 回覆

在下都係咁睇。

2018/01/25 14:25:24 回覆

無大將之風,也無器量!

user