同你死過（二）

雖無大過有偏差

被人打到斷門牙

今天企硬挨亂棍

明日三倍奉諸家

新任戒律院院長淨如画日前接受電台訪問、並就一站兩份法律問題作出解釋。戒律長指出、罪城公堂有權受理和審核法例有否違反歸本法、而最終判決如何要看挑戰具體內容而定。嘩、咁講法、豈非等同指民大委員會（民委會）嘅決定並非一槌定音、而係要通過罪城公堂審核才算數？咁講法、民委會那面一言九鼎嘅金漆招牌在戒律長眼中豈不是連狗屁都不如？呢個觀點跟黃黨嘅睇法簡直係同出一轍嘅。難怪登時被人質疑、淨如画究竟係咪忽然黃色啦！按照常理而言、身為戒律長理應很清楚民委會嘅決定是地方政府不得挑戰的。何解佢會語出驚人？

親黃喉舌揶揄戒律長嘅講話、等同將一件致命武器送給黃黨、好讓他們用來狙擊一站兩份。但在下覺冇可能、因為全城法律屆人士都知到民委會嘅決定形同聖旨、罪城公堂唯一可做就是跟「柯打」照辦。親黃喉舌之所以亂噏廿四、無非把握機會唱衰唱臭戒律長而矣！坊間亦廣泛流傳、由於淨如画開口夾着脷、所以極有可能被朝廷唗走。但在下覺得呢單嘢雖然有點邪門、但不會構成豉辣炒魷魚咁嚴重。以淨如画與朝廷之間嘅深厚淵源、再加上黃黨對佢出手之狠辣看來、點樣睇都睇唔出佢係無間道嚟。依我睇、想淨如画離開嘅藍黨中人亦有唔少。身陷四面楚歌嘅淨如画還不算笨、佢自行供出所有物業嘅僭建情況、以免被人逐件挑出來作攻擊武器。如果有人認為淨如画自身不正、就令佢不敢使出撒手鐧嘅話、那就錯到加零一。所謂一件還一件、黃黨可以利用僭建成或任何理由去攻擊淨如画、甚至派人去搞甚麼「撕法覆核」都得。然而、淨如画亦已經擺出同你死過嘅架式、除非朝廷將佢格扯、否則所有目標人物都冇運行。