壞嘅開始，等如失敗了一半！

國家領導人話齋，打鐵還需自身硬，如果唔係盞自暴其醜嘅咋。呢，壹淫媒老闆漢奸黎就係人辦嘞，佢老哥最鍾意公器私用，搞風搞雨，好似律政司司長鄭若驊嘅僭建風波吖，爛果報一路狂插唔知幾過癮，殊不知漢奸黎自己身有屎，一個唔覺意就火燒後欄嘞。(唉！咁又點啫？鄭都係做左司長、俾人揭發先肯拆除僭建；如果死肥佬自辯：叫「正苦」委任佢做司長，咁佢至拆。律政司又奈得佢何咩？呢啲叫做其身不正、其令不行！好嘅開始係成功嘅一半、咁佢唔好嘅開始，係咪注定失敗呀？)

漢奸黎位於何文田嘉道理道嘅豪宅一樓露台，被傳媒踢爆唔止用多扇玻璃圍封，仲加建一個凸出上蓋，一望就知唔啱規矩喇。有測量師對比過現場圖片及屋宇署公開圖則，直指嗰度原本係露天平台，而且屋宇署從來冇批准加建玻璃構築物嘅先例，幾乎可以肯定講句：僭建呀喂！(咁又點？屋宇署咪又係冇牙老虎！)

即係咁，漢奸黎違法紀錄長過阿婆塊紮腳布，策劃非法佔中喇，恐嚇記者喇，宣淫販賤喇，黑金禍港喇，本來都唔爭在加多單僭建醜聞，弊在呢條契弟扮晒大仁大義，滿口仁義道德，旗下報章仲日日批鬥鄭若驊僭建其身不正，知法犯法，原來自己都係一擔擔，有口話人冇口話自己，根本就係雙重標準，唔知醜字點寫。(有律政司呢個案例，以後人人都可以僭建！咪等屋宇署發通告囉，發通告唔等如會有行動----一於拖得就拖！真係俾人告，咪搬律政司出嚟---拆左就冇事！但係，真係告嘅機會微乎其微，搏得過！)

查實漢奸黎僭建已經係習慣性動作咯，早喺六年前已被眼利網民踢爆同一位置及另一個露台用玻璃密封，結果屋宇署急急發信要求還原，漢奸黎當時喺網台節目大大聲自吹「奉公守法」，已經搵人拆咗僭建物喎，點知過咗海就係神仙，家陣其中一個露台不單止再有僭建物，僭建範圍仲比當年更大。有傳媒翻查紀錄，發現四年前呢個僭建物已經存在，換言之，漢奸黎「奉公守法」咗兩年咁大把就故態復萌，呢啲咪叫賤格不能移囉。

咁多年來，漢奸黎一直對外聲稱自己喺香港冇物業，而呢個何文田豪宅由一間海外公司持有，業主係邊個雖然冇人知，之但係佢一家大細住喺上址多年就珍珠都冇咁真，邊個享受緊僭建利益仲使問嘅。仲有呀，你幾時見過租客可以任意喺業主嘅物業僭建架？

講到呢度，功夫茶突然諗起一件事，漢奸黎三不五時招呼反對派政客去佢屋企密斟，座上客不乏精通法律嘅藍血大狀，有冇可能全部睇唔出漢奸黎僭建？(唓！鄭司長夠係大狀咯，佢都話睇唔出啦)好簡單，英文有句「Don't bite the hand that feeds you」，即係走狗唔會咬主人咁解。

好嘞，家陣個波又踢番去屋宇署嗰度，當局會唔會驚咗契弟有牙，敢唔敢採取法律行動，大家金睛火眼（目及）到實架(屋宇署未必係驚佢，但係如果針對僭建事件，咁司長係咪要一并處理呢？)不過咪畀功夫茶批中，淨係本土派政客「盲毛」毛孟靜僭建八年都冇人郁佢，港府敢踢漢奸黎屁股至奇(所以僭建呢樣嘢，係啲庸官/懶官縱出嚟嘅)。冇計喇，愛國愛港受罰，賣國亂港有獎，莫講話僭建，漢奸黎身為佔中黑手一樣逍遙法外，吹脹！