好迷惘呀！

港府日前表明，鼓吹「民主自決」的政黨及人士將不能成為立法會議員。此舉意味以「民主自決」作為最高綱領的香港眾志，其黨員在可見將來都不能參選立法會，包括人氣最高的眾志秘書長黃之鋒，以及曾成功參選並當選立法會議員的黨主席羅冠聰。

《立法會條例》及《區議會條例》規定，任何人被判監超過三個月，即在五年內都不得參加任何立法會或區議會選舉。黃之鋒及羅冠聰因衝擊政府總部案，去年分別被加刑至監禁六個月和八個月，依例不能參加今次立法會四席補選，以至二○一九年區議會及二○二○年立法會換屆選舉。(果隻「癡蜂」不斷上訴，希望遇著「黃官」減刑，祇要判刑唔超過三個月，佢都仲可以參加下屆「垃圾會」選舉)

兩人早前已就衝擊政總案的刑期上訴，法院押後宣判。但隨着港府表明鼓吹「民主自決」即會被取消參選資格（DQ），黃之鋒與羅冠聰即使成功減刑，估計亦難以過關參選立法會。(呢個決定，雖然市民大眾都歡迎；但係，問題係：「中箭」呢個團體黨綱有問題、抑或係班「塞竇窿」公開講自決有問題先？如果屬前者，何解「正苦」唔將佢列為非法團體，加以取締？再者，如果問題響個團體度，咁果班嘢日後脫離呢個非法團體，又可唔可以參選？佢地可以話經已改過自新架，「正苦」冇理由唔接受啫！又如果呢班嘢借屍還魂，成立另一個團體，咁又如何處理？)

不過，由於須宣誓擁護《基本法》及效忠香港特區的規定，僅適用於立法會議員，擔任區議員並無類似限制，即使擁有外國國籍也可參選，故兩人仍有機會參加區議會選舉。(呢啲咪係要堵塞嘅漏洞囉！)

黃之鋒昨回應，兩年前中央的底線是「港獨」，即明確支持香港獨立才會被DQ，現在則擴闊為「自決」也被DQ，(「自決」同「港獨」有分別咩？我覺得「走狗」同「癡蜂」係同一樣嘢嚟)難保將來連反對《基本法》第二十三條立法也出事，故他不會為了參選而退黨或修改眾志黨綱。羅冠聰表示，如議會大門不為眾志打開，他們惟有改於街頭抗爭。(佢咁講，呢個「弱勢正苦」會驚架！驚到可能會再重啟「委任制」，委任呢班禽獸入「垃圾會」，塞住佢地把口架！計我話：想佢地唔出聲、唔佔地好易嘅啫，反正「正苦」庫房水浸，出高價(當然要高過佢地依家嘅主人啦)買起佢地咪得囉！)

如果今次DQ係因為個人衰多口嘅，第日佢地會學精啲，公眾場合唔講咪冇事囉！此之為「魔」高一丈----呢個團體仲有啲蛇蟲鼠蟻未蒲頭，佢地唔公開講，將來參選，「正苦」又可以點？

如果姓周果件係因為衰多口，咁選舉主任又何必多此一舉提出四條問題要「咸蟲」回覆呢？佢嘅言行唔係經已證明左咩？你問佢，如果佢答佢支持特區政府、唔支持「港毒」，你係咪信先？果陣咪進退兩難！

難道「正苦」忽然清醒，接受我之前建議，一於拖字訣，拖到提名期截止左先DQ佢，攻其無備？如果係，何解姓周果個又咁早通知？

又如果：「民主自決」係姓周嘅死因，咁宣誓當日大喊「民主自決」嘅「滴滴仔」何解又可以安坐「垃圾會」？

「港島區」同一位選舉主任，當日接納姓羅條友，何解今日又DQ姓周嘅？一句錯而能改就得？咁姓周嘅肯睇錢份上，跪地戲豬乸，同意改過又得唔得？當日我都話同一個選舉、選舉主任各自為政唔得架啦！當時十八區、好似得沙田果位正常啲咋！

如果人地爭辯：同一屆選舉，何解不同處理？要改係咪應該下一屆選舉才改？抑或今屆因某某選舉主任把關不力，放錯左入閘嘅，都要一併DQ晒佢地？

唉吔，N咁多個問號，好迷惘呀！