好戲在後頭

2018/01/30 01:56:40 網誌分類: 講人自講
30 Jan

有得自有失

難以定凶吉

此間無大將

但有豬頭骨

 

自缺派打正旗號參加垃圾會補選擂台、想唔賴嘢都幾難。話口未完、自缺妹兜蜓就食正閉門羹。真係唔知點解班人係要搞到自己殘缺嘅。嗰個兜蜓遊行時十足扶柩咁款、扶住張比救生網還要大幅嘅「主權在民」布標語咩!吓、點解有份扶柩嘅鹽蟲么又可以入閘?咁係因為人家精甩辮、並唔似得眾痴班友咁黐線、在黨章闡明「我要自缺」吖嘛!就係咁、守閘員咪有藉口踢走兜蜓而留低鹽蟲么囉!不過咁、以鹽蟲么嘅人氣和聲望嚟講、入閘亦只不過係到此一遊、唔見得會有太大嘅驚喜。如果換轉人閘嘅係兜蜓、淨係自缺加講獨嘅票就足夠送佢登堂人室架喇!明未?何況守閘員此舉、已令到反盟班鬼打鬼嘅懵人白打一場兼大傷和氣、種下嘅怨氣更難化解、條數計落唔係除笨有精咩?

 

嗱、如果閣下認為守門員放鹽蟲么入閘、佢就會有所感激喎!佢一知到自已獲准上擂台、就立刻劃蛇添足、自稱能夠入閘係「老奉」嘅、縣府根本上阻止不來。鹽蟲么仲話、要向聯合閣投訴罪城府衙操縱打擂台結果。嗱嗱嗱、鹽蟲哥、係至好講呀、咪個口噏當秘笈老點街坊喎!話口未完、鹽蟲么又替兜蜓抱打不平、並指責縣府不批准兜蜓人閘係政治打壓嚟。嘩、你見到嗎?鹽蟲么幾咁大義凜然、簡直比關公還要正氣、之前那副驚死入唔到閘嘅模樣登時消失於無形。但可惜吖、鹽蟲么忘記帶番個面譜、以致露出佢副猙獰面孔於街坊眼前。嗱、冇有怕架!怕就只怕佢副尊容會嚇親班街坊、搞到人家唔敢去搞票。如果真係搞成咁嘅話、鹽蟲么豈不是又再次因劃蛇添足而捉蟲?唉、點解經過咁多事、鹽蟲么仲係唔能夠學得乖一點?須知到、街坊對於尊貴們那副猙獰面目、以及佢哋那套歇欺底里演繹方式已經厭惡到難以形容。以政客而言、既然犯錯一次、係絕對唔會在短期內再犯上同樣錯誤的。

 

 

回應 (2)
我要發表
2018/01/31 02:00:28 回覆

搞成咁、在下也搞不清楚、究竟是誰跟誰對着幹了!

2018/01/30 17:24:47 回覆

法庭取消議員資格,俾他再選,是否自相矛盾?與法庭對着幹?

user