「正苦」廢無可廢！

笑看天下：和諧新風 自討沒趣

本港反對派多是自欺欺人再被人欺之徒，既逢中必反，又要撐港獨又要「民主自決」，與《基本法》中一國兩制的原則相違背；之但係又唔肯承認自己精神分裂，更不承認自己平凡無能，連國家底線都未知，硬係要闖入體制攞着數。

周庭被ＤＱ，選舉主任詳細列出其提名無效的理由，確實十分充足(可惜係孤軍作戰---「正苦」同佢劃清界線！)周庭就如喪考妣話係ＤＱ了一整代年輕人的自由意志與夢想(佢可以代表一眾年輕人？我呸！)她似乎忘記其有份創黨的香港眾志曾主張透過具憲制效力的前途公投，由香港人共同認受香港主權和憲制。選舉主任從周庭與香港眾志的角色和言行，指其並不擁護《基本法》或誠意效忠香港特別行政區，是合理推斷。(不過，上次姓羅條友又可以入閘！呢個咪問題所在囉。)

曾被取消立法會議員資格的姚松炎，不少聲音認為他曾被指宣誓無效而被ＤＱ，就如一個剛被趕出校的破壞王，無理由咁快又准佢申請入讀，姚松炎理應不能參加今次立法會補選(呢個安排似乎係：好心令姓周果個有大條道理上訴得直---「正苦」裡面冇二五仔，真係打死我都唔信！)。之不過佢最後竟被確認可以「入閘」，可見今屆政府又係冇靈魂冇神經，政府自損權威，姚松炎難怪「氣勢更盛」，確認了還囂叫「人神共憤」！

反對派指ＤＱ周庭是「未審先判」，連網民也看不過眼，有人指出「一個連自我認知能力也不足的廢青，大眾怎能寄望她為港人謀幸福？誤入歧途學人造反搞政治，怎能不笑死人時冇命賠」；有人指「嗰班人掩耳盜鈴作假誓，又要為高薪津去玩立法會，又要作假誓，根本班人侮辱司法、法治制度」。可惜啊，網民睇到嘅亂象，冇神經政府卻一再屈服於反對派壓力！港府「老虎屁股不敢摸，走狗尾巴碰不得」，難怪漢奸黎有恃無恐，永遠站在反中亂港第一線。咁搞法，唔怪得連「香港中箭」的小學雞都唔服。政險失民，「目失鏡，則無以正鬚眉；身失道，則無以知迷惑」，今政府既失鏡又失道，進退失據，姑息養奸，一味和稀泥求所謂「和諧新風」(呢樣係「林鄭」多咩餘攪出嚟啫！同果班友「河蟹」，同向和尚攞梳有何分別？)到頭來又係自討沒趣！

評論員 施友朋