情人節:你訂左餐未?

2018/02/04 12:16:09 網誌分類: 講飲講食
04 Feb

情人節一年一次,重要得令不少情侶願意傾盡慳囊也要豪華一次,到高尚食府吃一頓美酒佳餚的浪漫情人節晚餐。不過有些人卻不甚喜愛在高級餐廳用餐,一方面認為價格太離地,另一方面環境又華麗得有點距離感,令人感到拘謹。若不想另一半(或自己)傷荷包出血,不妨考慮以下情人節套餐:

https://www.facebook.com/ying.y.yu/videos/10156198634024124/

稍為高尚的情人節套餐,動輒千幾二千蚊(甚至更貴),次一等也成千銀,以上套餐可算超值!$688,在10號前訂檯有九折,如果唔加其他食物或酒類,每位七百蚊都唔駛。

我介紹得嘅,當然唔係得個平字啦!抵唔抵係要將食物質素同價錢放響把秤度量度出嚟!認識我嘅朋友、或者有跟開我網誌嘅網友都清楚,我份人有果句、講果句,真係親朋戚友都冇情講架!

講開親朋戚友,呢間餐廳又真係我表妹有份嘅。佢一向喜歡周圍搵食---一個人喜歡食(唔係講量、係講質)對食物有一定要求;所以餐廳提供的食物一定唔會差得去邊。

大佬一家人移民美國幾十年,姪仔婚後亦在美國工作及生活。由於工作關係,經常出國公幹。上星期佢去左上海杭州公幹,因事昨晚回港逗留一天,約我晚飯。因利成便,便約他去表妹餐廳晚餐,讓他與表妹聚聚。

尋晚食晚餐,十幾款選擇,我地揀左主菜:鹽燒鱸魚同法式燒羊架,大家分嚟食。

晚餐餐單:蘑菇忌廉湯   或沙律   (天寒地凍,更係揀湯啦)

   

法式燒羊架:一客兩件,每件三枝骨,分嚟食絕對冇問題。

鹽燒鱸魚:(有三件鱸魚肉,姪仔兩件,我一件。)

上次食完聖誕大餐飲左杯咖啡,攪到眼光光、等天光!今次去之前一直提醒自己唔好飲咖啡(其實可似有七八款飲品可供選擇),結果叫左個甜品食(又唔記得相機先行,真係老人痴呆),連飲品都飲唔落。

回應 (0)
我要發表
user