PACO名人會
PACO名人會
PACO名人會

衛詩雅《情敵》喜遇男神 任達華醉住同劉嘉玲續情緣

2018/02/05 08:41:25 網誌分類: 娛樂
05 Feb

        葉念琛執導的英皇賀歲喜劇《我的情敵女婿》將於年三十(15日)正式上映。新片賣點有影帝影后任達華和劉嘉玲這對舊拍檔,事隔25年再演情侶外,還有好戲派靚女衛詩雅加入,同「阿媽」嘉玲姐爭男神!華哥周旋於兩女之間,艷福不淺,他非常享受說:「同嘉玲拍對手戲時,總會諗返廿幾年前一齊拍戲嘅浪漫情節,有次專登飲到highhigh地先拍,真情流露呀!」影帝影后大鬥演技,加埋Bob(林盛斌)、姜皓文等達80位群星力撐爆發笑彈,大家喜氣洋洋過狗年!

        英皇賀歲喜劇《情敵》有任達華和劉嘉玲兩大影帝影后大鬥演技。片中,嘉玲姐是華哥的初戀情人,因緣際會嘉玲姐竟又成為他的未來外母,關係錯綜複雜,笑料百出。正因為劇本吸力有趣,成功打動到嘉玲做女主角。男主角是風流倜儻有錢佬,葉導篤定搵華哥,他解釋說:「瀟灑有型一定係華哥啦!戲中佢追求嘅純品後生靚女,我屬意搵詩雅,呢幾年佢啲戲不斷進步,演技好好。外母一角,我提出搵嘉玲姐,雖然好高難度,但都想試吓。嘉玲姐好喜歡個角色,加上佢未演過心理醫生,不過檔期要遷就吓,梗係值得等啦!」

        三角「戀」晒龍

        任達華在片中飾演劏房大王,為人市儈勢利女伴無數,卻愛上初戀女友劉嘉玲的繼女衛詩雅,情節曲折離奇又搞笑。華哥坦言與嘉玲拍攝時好有默契仲非常投入,他說:「有場戲講我哋情感好複雜,因為揭發咗我未婚妻係嘉玲個女,百般滋味在心頭。咁我知嘉玲一向好飲得,我就麻麻。我專登飲到highhigh地先拍,嗰刻真係幾醉,行到懵懵吓,又諗返二十幾年前一齊拍戲嘅浪漫情節,意亂情迷咁,名副其實真情流露呀!」面對詩雅,華哥居然使出冧女大計,他笑說:「拍前我特登打聽吓佢住邊,然後去佢寓所附近行吓,到開拍時就可以𠱁女仔,多咗好多話題,哈哈!」

        詩雅喜劇大挑戰

        詩雅面對男神華哥暈晒浪,她說:「我覺得成件事好夢幻,有個咁靚仔嘅男朋友,拍時我唔敢望華哥超過三秒。嘉玲姐好靚,如果佢係我媽咪就好,希望將來似佢一樣。今次在他們身上學到很多嘢,喜劇我本身比較弱,因為節奏感好重又多變數。所以每拍一個take,都想畀唔同嘅嘢導演揀。」其中,導演安排一場打戲畀詩雅,她的身手卻令人意想不到。葉導大讚:「原來詩雅啲身手都OK喎!下次拍打戲可以考慮吓佢。」

        阿Bob逗女神笑

        三角戀夠賣點,配角亦演得非常出色,其中阿Bob和黑仔(姜皓文)伴在華哥和嘉玲身邊,製造笑料。阿Bob說:「今次做女神嘉玲姐嘅助手,同女神好多戲。第一次見偶像,佢極nice。咁我拍戲又鍾意喺現場加少少自己嘢,引到嘉玲姐成日笑。」黑仔則扮演華哥的好友,他說:「好耐無拍過咁瘋狂嘅喜劇,拍得好開心。片中我飾演同華哥由細識到大嘅富二代朋友,成日比佢恰,同時一直暗戀緊女神嘉玲。」《情敵》中,多位主要演員性格鮮明,葉導在包裝上幾考功夫,他說:「8位主要角色都歸納為有啲病,好似華哥係躁狂症、黑仔就有強迫症等,想講吓現代人都有啲病。我今次碌盡人情卡,邀請多達80位演員參與,連過鏡嘅都係星,當然會有我御用嘅Stephy(鄧麗欣),仲有四哥(謝賢)和MCJin等。」咁星光熠熠!大家記得睇《情敵》以笑聲喜迎狗年啦!

        主持︰黃柏高
        統籌︰林永匡
        攝影︰袁東亮、謝民光
        協力︰林書鉉
        場地︰hang-o-pho(Tel︰34273718)

     

        
 
■左起 ︰ 阿Bob、姜皓文、葉念琛導演、詩雅和任達華主演的新片,在今個農曆新年帶給觀眾無窮歡樂笑聲。
■左起 ︰ 阿Bob、姜皓文、葉念琛導演、詩雅和任達華主演的新片,在今個農曆新年帶給觀眾無窮歡樂笑聲。
■任達華和詩雅首次合作演情侶。原來戲中有幾個詩雅的大頭鏡頭由華哥揸機拍,由於效果理想,全部放入新片中。
■任達華和詩雅首次合作演情侶。原來戲中有幾個詩雅的大頭鏡頭由華哥揸機拍,由於效果理想,全部放入新片中。
■黑仔(右)謂新正頭習慣擇日「撈起」;Bob多咗個囝囝,會帶4子女開心拜年。
■黑仔(右)謂新正頭習慣擇日「撈起」;Bob多咗個囝囝,會帶4子女開心拜年。
 
■片中粒粒皆星,其中謝賢飾演賭王。
■片中粒粒皆星,其中謝賢飾演賭王。
■片中,華哥與嘉玲這對初戀情人,浪漫遊電車河。
■片中,華哥與嘉玲這對初戀情人,浪漫遊電車河。
■阿Bob興奮飾演女神嘉玲的助手,不時引對方笑。
■阿Bob興奮飾演女神嘉玲的助手,不時引對方笑。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.