PACO名人會
PACO名人會
PACO名人會

ATV強勢回歸 余宜發講音樂 陶傑談歷史 陳志雲教大家攞100萬

2018/02/12 08:41:26 網誌分類: 娛樂
12 Feb

        前年熄機的亞洲電視(ATV),早前以手機App和OTT網絡電視方式復播,並找來多名猛人主持節目吸客,包括陶傑的《笑看風雲》,他稱想了解歷史要讀史片(歷史加紀錄片),又有余宜發拍住陳宇琛及張紋嘉(Crystal)主持《激活音樂》,推廣各類型音樂和邀音樂人做有深度的訪問。而講到最矚目,要數到陳志雲主持的《百萬富翁2018》,他稱大家不要想自己的學問夠不夠闊,先填報名表參加就有機會攞100萬,因為你們有三個錦囊,說罷大家都哈哈大笑。即將踏入狗年,預祝各位開開心心、身體健康、萬事勝意!

        2001年的《百萬富翁》是ATV最受歡迎節目之一,當時還在TVB的陳志雲,曾以鄭裕玲的《一筆Out銷》抗衡,但買不到《百萬富翁》始終覺得很可惜。他坦言:「有次吳雨大哥(亞洲電視數碼媒體行政總裁)約我食晏,佢有呢個構思(再做)我覺得超正,所以佢一問我,我即刻?飯應。」加上《百萬富翁》的設計很有特色,自98年開始,今年是20周年,所以有很多電視台都重新包裝再推出,ATV都唔例外,而且可配合新媒體的元素,觀眾不但可以睇,還可以即時參與,玩「智取百萬Fun」和「百萬同步挑戰賽」,互動性便強了許多。陳志雲更呼籲大家填報名表參加,亦可透過「智取百萬Fun」爭取參賽機會,參加「百萬同步挑戰賽」更有機會揸走部車。

        笑看風雲

        談到陶傑主持的節目《笑看風雲》,他坦言:「香港中小學生讀歷史個個讀到喊,因為填鴨式教育同要資料背誦,加上先生講得較為嚴肅少少,咁我哋改用一個笑嘅角度去重新分析、講解歷史。」陶傑更提到要讀「史片」,他笑笑口說:「成日聽人講,你個衰仔讀書唔成不如讀屎片,我哋真係讀史片,不過係歷史加紀錄片,除咗書本上嘅知識,要加埋影像,呢啲影像係一流嘅剪輯同一流嘅解說,於是讀史片呢個組合會刺激到我哋嘅思維,所以狗年讀書要用新方法,讀書不如讀史片。」陳志雲即表示對陶傑的節目有期望,因為如果講香港的檔案,悠久歷史的ATV應該是最齊全的。

        激活音樂

        至於余宜發拍住陳宇琛及Cystal主持的音樂節目《激活音樂》,會搜羅世界各地不同種類的音樂播放,余宜發說:「我哋平時睇或聽音樂節目會揀選一啲自己嘅喜好,但今次我哋歡迎所有嘅音樂,無論係地下或街頭嘅,我哋都想邀請佢哋嚟到節目做分享。」陳宇琛續稱:「我哋除咗講Local嘅音樂,亦有同騰訊合作,佢哋會有三個唔同嘅音樂平台,好多資料都可以由嗰度得返嚟,所以香港、台灣、內地同韓國嘅音樂榜我哋都會報,都係頗up-to-date嘅嘢嚟。」

        Crystal也表示:「我哋最特別係會介紹一啲唔同種類嘅音樂,例如我哋會訪問無伴奏音樂嘅人,分享佢哋嘅經歷,又會搵啲專業人士嚟講,等大家知多啲音樂知識。」

主持:黃柏高
統籌:林永匡
協力:李佩儀
攝影:謝民光、袁東亮
場地:御品

 
■Paco(中)當日與各節目主持人陳志雲(左三)、陶傑(左二)、余宜發(右三)、Crystal(右二)和陳宇琛(右一)傾得好開心,還有現時在ATV工作的前TVB高層曾醒明(左一)也在場。
■Paco(中)當日與各節目主持人陳志雲(左三)、陶傑(左二)、余宜發(右三)、Crystal(右二)和陳宇琛(右一)傾得好開心,還有現時在ATV工作的前TVB高層曾醒明(左一)也在場。
■陶傑的新節目教人讀「史片」,講歷史非常work。
■陶傑的新節目教人讀「史片」,講歷史非常work。
■身為歌手的Crystal,即場被邀請唱歌表現得好怕醜。
■身為歌手的Crystal,即場被邀請唱歌表現得好怕醜。
 
■Paco一見到陳志雲,稱他為「陳百萬」,陳志雲即哈哈大笑。
■Paco一見到陳志雲,稱他為「陳百萬」,陳志雲即哈哈大笑。
■陳志雲(右)和陶傑(左)今次為ATV主持有份量的節目。
■陳志雲(右)和陶傑(左)今次為ATV主持有份量的節目。
■ATV在上月29日舉行「亞洲電視數碼媒體啟播典禮」,並由吳雨(左)、區偉林(右)和鄧俊傑(中)主持亮燈。
■ATV在上月29日舉行「亞洲電視數碼媒體啟播典禮」,並由吳雨(左)、區偉林(右)和鄧俊傑(中)主持亮燈。
 
■ATV重頭節目《百萬富翁2018》由陳志雲主持,早前錄影時吳雨也在場。
■ATV重頭節目《百萬富翁2018》由陳志雲主持,早前錄影時吳雨也在場。
回應 (0)
我要發表
user