春冰薄，人情更薄？

大埔九巴車禍導致多人傷亡，政府周一（12日）宣布取消煙花匯演，以哀悼死難者。惟多個社交平台隨即湧現大批涼薄留言，指「八十四家庭受災，要七百幾萬人跟住黑仔唔過年」，令網民看得大為憤怒和心痛。(我估計呢啲大多數都係年輕人！個人來說，取唔取消煙花匯演都冇所謂：反正年年例行公事！我冇興趣睇、更加冇興趣去現場迫！當然，人家喜歡係人家嘅事，我呢個老嘢寧願留響屋企。講真吖，每年花咁多錢響放廿幾分鐘煙花好似燒錢紙咁，我覺得可以用得更有價值！不過，贊助機構喜歡咪得囉！何解又吾取消埋巡遊匯演？吾敢得罪「老外」？)

有社交專頁分享「取消初二煙花匯演」的消息後，引來大批網民留言，認為政府太民粹，「一個司機造成的事」，卻要全香港人「埋單」、「煙花一早訂好，用的錢又係市民的，而（依）家取消，埋單的咪又係廣大市民」。(我祇係對如何處理這是冇用的煙花！據聞會丟落海，真係有啲可惜；難道冇更加好嘅處理方法？)

涼薄的留言接踵而來，有網民指「日日都有人死」(係囉！日日都有人死，何解....？)，認為取消煙花匯演令憂傷延續到過年，「不如取消埋農曆新年假期啦，唔通每次有大災難就所有嘢停晒乜都唔做咩？取消慶祝活動亦改變唔到事實」、「即係話佢哋唔開心，要七百幾萬人跟住佢哋披麻帶孝」。

不少網民看過留言後大表心痛，指香港人的真面目「非常冷血」，「人地喺度傷痛緊，點解要講啲涼薄說話」，認為港人已失去同理心，「一班自私自利只顧自己嘅人」、「人地（哋）頭七你走去放煙花，而（依）家攞景定贈慶」。(我覺得係依家大多數年輕人，祇顧一己私利，永遠唔會考慮吓其他人感受囉。)