開工大吉

晨雞遠去旺財來

恭喜諸君發大財

長年好運身體壯

家肥屋潤百花開

轉眼又到大年初四、雖然今天仍然是公眾假期、但有很多朋友都要上班去。在下祝願各位惱友記新年勝舊年、身壯力健、福星高照、財星進門。做生意嘅朋友大賺特賺。打工嘅朋友加薪升職、得閒中吓六合彩。BB仔and BB女人人聰明伶俐。求學嘅同學仔個個學業進步。退休後嘅朋友龍精虎猛、多福多壽。恭喜、恭喜。

今年求簽強為本城求得一簽、內容係“人在福中應知福，掌權不可太庹縮；若然不知神仙跳，勢必同輸也同哭。”簽文大概是提醒街坊應該頭腦清醒、切勿人云易云。手執管治大權嘅人不應賣上唔賣下、理應高抬貴手為基層多做點事以消除怨氣。假如繼續乜乜勾結而不體恤基層苦況嘅話、遲早會有人腳痛、亦會有人變成過街老鼠。大家都好自為知吧！

其實、一般街坊只求家宅平安、生活安穩、有錢賣樓、無錢租屋。政治不能令大眾過得更好、更不能帶給大眾愉快。如果你願意張開眼睛睇多啲和睇遠啲嘅話、你就會發現政治是世界上最大騙局。無論是民主也好、專政也罷、都係表面不同而內裡歸一的。因為一切都是特權者在背後操縱的。例如花家選一哥、明明是稀揩利獲得大眾選票多過喪普、但結果係獲得選舉人票較多嘅喪普當上一哥。既然如此、還要大眾投票來幹啥？紅家一哥雖然不是普選產生、他能夠在抵受着西方長期制裁嘅情況下帶領民族崛起、而且成為世界第二大經濟體系。以目前走勢看來、全族脫貧指日可待、五年內全族達至小康水平不再是奢望。除此之外、高新科技和新發明猶如噴井般的湧現出來。我們鍊出世界上最堅固嘅鋼材、速龍和大橋建設已經走出神州向全球進發。世界最先進的五G手機亦快將推出、使得全世界都要由領先紅家、而轉變成追趕紅家。北斗衛星系統亦將在年內覆蓋全球、其納米通訊技術連花家也無辦法竊聽。既然紅家能夠造福龍族、點解要搞破壞？難道身為龍族一分子居然要跟白番一樣、盡其阻止龍族崛起之能事？白番真的會關心黃面佬民主、而不是為保自身利益搞分化和破壞？罪城街坊已經見識過政治爭拗只能為人們帶來無端嘅敵視和仇恨、難道還要繼續下去嗎？