打字OK 2018/02/27 08:41:09 網誌分類: 生活 27 Feb 仲記得以前學校教完倉頡速成輸入法之後,就會搞打字比賽,雖然贏咗都只係得幾十蚊,但對一班中學生嚟講已經夠晒動機參加。 當時朋友阿邦坐我隔籬,我哋兩個約好一有字唔識打,就靜靜雞通水。 突然阿邦問我:「箭矢個矢字速成點打?」 我一路打字,一路同佢講:「OK。」過咗一陣,阿邦又問:「喂,個矢字點打啫?」 我:「都話OK囉!」 又過一陣,阿邦好唔耐煩咁問:「你得未呀?究竟個矢字點……」 我:「咪講咗矢字嘅速成碼係OK囉!」 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消