貧富傳說

蟻民心聲官爺聽

聽完之後懶得傾

只見連場假肉搏

雞同鴨講事難成

昨晚在榕樹頭聽班街窮坊傾偈、發現佢哋嘅話題不離挨貴租、醫療服務、安老服務、全民退保等。坦白講、今日嘅社會上最嚴重嘅問題、確實係收入低而租金貴。其次就係、醫寮服務五行欠水並由病人來承受若果。班街坊話、從前尚可以靠積蓄養老、現在就連豆零都冇得剩、所以那應運而生嘅全民退休保障就成為佢哋嘅熱切期望。嗱、罪惡城兩大核心問題一日不改、衍生出來嘅問題必會越來越多。甚至可能會造成某些不合理要求變成合理化、到時想唔亂都幾難。因此公家必須認真去處理好居住問題、和努力開發高端工業增加打工仔向上流機會。現在嘅環境係太過集中於服務業喇、在僧多粥小之下、老闆當然笑騎騎、打工仔就只有挨到謝。假如仇官和仇富更加趨於嚴重、對誰都沒有好處架！知冇？

雖然本城在大歸之後經過索羅斯對沖基金衝擊、爆發禽流感和莎土、以及雷曼破產等事件衝擊而數次陷入經濟困境、在有錢即靈嘅情況下、大戶很快便回氣過來。打個比喻講、在2007-2017十年光景裡面、力牆號大老闆份身家由1974億両升至超過2430億両、增幅超過450億両。估神大老闆仲駕勢、佢份身家由1326両升至超過1902億両、增幅超過577億両。唯獨是基層打工一族嘅收人不能追得上生活成本升幅、而挨到金睛火眼。更加不幸嘅係、有些人只係見到一小撮不擅生產新生代（仇社會分子）不斷向公家發蠻發難、便以一枝竹蒿打一船人的去批評層基那群搵朝唔得晚嘅窮街坊只管向公家索求、而不去自力更生。咁你話死唔死？其實導致滿城怨氣嘅根源並不是人們唔想努力拼博、而係無論點努力去打拼都冇用、主要原因係老闆吝嗇、以及缺乏向上流機會。點解搞成咁？之唔係公家嘅政策過於偏則、以及資源分配嚴重失衝嘅結果嚟囉！揸拂人及其問責班子都有不能推卸嘅責任架！從前就揸拂人賴收地被反對、填海被反對、打郊野公園主意都被反對、現在所有藉口用到滑晒牙、就以“投資未來、繁榮共享”來揼街坊雞。喂阿哥、當下嘅繁榮都不能共享啦、仲好意思同班街坊講將來？如果我今日食淨嘅飯寧願倒入垃圾桶都唔益你、仲喊你暫時忍住肚餓、等我它日買過啲靚米返來煮一煲靚飯、然後再預埋你嗰份。我咁搞法、你點睇呀？