帶眼識人！

長者醫療劵，除了可以用來光顧醫生之外，亦可以做身體檢查和配眼鏡...當然唔可以....用來買海味啦！

早幾日屋企做啲小型維修。唉！屋仔細細、雜物多多，要將啲物件好似砌積木咁搬來搬去，除左搬到氣絕人亡外，最慘係對眼鏡唔知放左響邊，搵極都搵唔倒！算啦，反正我一直都想配多對眼鏡替換，咪利用醫療劵去配眼鏡囉，用得唔好嘥吖。

原來同一間眼鏡鋪，都要指定視光師才可以簽發醫療劵；我局住要預約視光師才可以用醫療劵配眼鏡。依家才三月初，配對眼鏡經已將我去年餘額同今年二千圓配額用盡，仲要噁突添！咁餘下大半年....唔好病囉！

所以話啫：「正苦」大把錢出三糧俾某些人，反而我地呢啲長者醫療劵祇建議今年加一千，下年不為例！可累積至五千有何用？正因如此，大家小心保護對眼，指意「正苦」就死啦！

都市人常吃快餐，飲食上偏向多肉少菜，忽略了均衡飲食，少不免令身體難以攝取各種食物營養，當中一些食物的營養素特別對眼睛有益，能有助部分眼疾如乾眼症、白內障和老年黃斑病變等。

有研究指出透過攝取Omega-3脂肪酸能夠減輕乾眼症徵狀，因Omega-3有助增加淚液分泌量，使眼球表面有足夠淚液保持濕潤。患者可從天然食物中補充Omega-3，包括鯖魚、三文魚、沙甸魚、植物油和豆腐等。白內障是因為眼球中的晶狀體出現混濁情況所致，患者會感到視力下降。在一項針對女性研究發現，攝取葉黃素與玉米黃素或有助減低白內障的風險。葉黃素與玉米黃素有抗氧化和過濾有害藍光功效。它們主要存在於深綠色蔬菜或紅黃色蔬菜中，包括菠菜、羽衣甘藍、西蘭花、粟米、豌豆、枸杞等。另一項研究亦指出從飲食中多攝取維他命C，或同樣有幫忙。燈籠椒、苦瓜、奇異果、橙等均含豐富維他命C。

年紀愈大，患老年黃斑病變風險愈高，在視網膜黃斑區內，當中存有上述提及過的葉黃素與玉米黃素，提供抗氧化與過濾有害藍光作用，而人體不能自行製造葉黃素與玉米黃素，需要通過飲食攝取。不少食物都具有幫助人體抗氧化的功效，大家不妨多攝取各種營養，以維持眼睛健康。現今市面上有不同種類的護眼補充劑，如欲考慮服用，應先諮詢專業人士意見。