阿蟲介紹

2018/03/11 03:30:39 網誌分類: 講人自講
11 Mar

 

你說我差不是差

老董當年患眼花

諸家搭路黃家過

入了此門是我家

 

前財務大總管(綽號偷步財神)蟲蟲哥話、全民派錢乃係民粹式要求、還暗示提出派錢嘅政客係蠢才嚟。喂喂、蟲蟲哥、你老哥夠係大把銀両兼豐衣足食、還不是要趕在你寫嘅未來報告生效之前偷步買平轎、搞到被人鬧爆落荒而逃嗎?現在有人睇唔過眼、多年來民脂民膏盡入庫房、而揸拂當局卻無所作為、開出嘅支票冇張能夠兌現、所以為街坊爭取派現金來舒緩一吓腹中鬱悶囉!咁有乜嘢唔妥呀?你憑乜嘢去指責人家蠢才?咁就唔怪得閣下一手拿公家銀両、一手捐錢畀反對公家不遺餘力嘅幫派啦!看來閣一早就視其他人係蠢貨都未定喇!唉、中廠多年來都唔知養咗不少像蟲蟲哥這類身在藍營心在黃嘅人物、唔怪揸拂班子得一直都係渾渾噩噩咁過啦!

 

其實、現在冇錢派已成定局、委實唔明白何以蟲蟲哥還要跳出來喋喋不休的重提此事?或者他滿以為咁就可以唱衰率先提出要求派錢嘅藍營而替黃營催谷人氣、但係佢似乎忘記咗偷步買車一役已經把自己弄到聲名狼藉。喂喂、蟲蟲哥、你最好就小心啲、咪過越幫越忙累起黃營至好喎!嗱、連老古董搵番來嘅拍檔都係咁靠唔住嘅。試問當今由打得姐掛帥嘅中廠裡面、還有誰人是靠譜的呢?嗱、真係唔講起都唔知到、原來有咁多姓藍嘅人物、係咁熱烈支持姓黃嘅參賽者嘅、中廠內部如是、亂制派內部亦如是。究竟當中有幾多人係對着阿爺皮笑肉不笑嘅呢、吓?!各位街坊、仲有幾個鐘頭、議事堂主辦嘅填氹擂台就要開打架喇!雖然至今無論場內仍然係水靜鵝飛、但外圍盤口嘅一賠一點五倍嘅大熱門係黃營、而一賠十五嘅倍冷門係藍營。總言之、除非臨場出現急速起飛現像、否則藍營都係食白果收場居多架喇!

 

 

 

回應 (0)
我要發表
user