賽後評

2018/03/12 16:12:38 網誌分類: 講人自講
12 Mar

 

場面未算牛

總算有睇頭

槍打出頭鳥

順流勝逆流

 

三點一一補打大賽已經曲終人散、結果是、黃藍兩營各取兩席打成平手。經過一場唔算太熱烈嘅格鬧之後、講島賽果、毒派代表耦弱犬打贏藍營代表親家佩。西狗賽果、藍營代表淨領信打贏毒派夭重閹。伸東賽果、黃營代表飯殼打贏藍營代表戥假錶。宮能組賽果、藍營代表射米泉打贏黃營代表侍馬民。今次雖然是打成二比二平手告場、在骨子裡黃營已經輪掉兩席、所以形成藍營在垃圾會增加多兩個議席、而黃營卻減少咗兩席。因此在分組點票方面而言、已經係形勢不妙。

 

上述賽果顯示、縱然黃營獲得「高人」明點暗助、天時地利都聚在他們的那一邊、但在人和方面卻未見得能佔得上絕對便宜。藍營在所在大佬輩都留在京城趁總舵主嘅形勢力、仍然奪得兩席總算有所交代。由其是淨領信能夠把「獲得深水區地膽㒼協傾巢力撐嘅對手」夭重閹拉下馬、而贏取個寶貴一席、都咪話孻屘落嘅一浸飛唔厲害。另人意外嘅係、晨雞咁早就打鑼打鼓催谷人氣嘅戥假錶、在伸東區偷襲失敗。獲得響樹派和兩個深藍色大傳統幫會合力撐到衡嘅戥假錶、由頭到尾都只能跟隨着港毒色彩濃厚嘅黃營代表飯殼喂來跑、雖然晚飯後谷咗一輪飛、但結果輸一個馬頭信而落敗。呢個情況似乎係話畀我哋知、伸東區雖然係響樹派嘅傳統地頭、但在時移勢易之下、已經變成反盟票倉。嗱、呢場仗還有下集嘅。相信再輸唔起嘅黃營絕不人有所鬆蟹、盡地一煲勢所難免。如果黃營能全取兩席還好、萬一被藍營冷手執埋呢兩席嘅話、黃營肯定會被陰乾。但問題係、藍營嘅意志能否做到槍口一致向外而矣!

 

回應 (2)
我要發表
2018/03/13 16:25:01 回覆

在下也有同感。

2018/03/12 21:50:21 回覆

如果藍營一致,申東就吾駛輸啦!

user