敗在樣子帥

不怕生壞命

無懼改錯名

只是人樣帥

街坊瞓捩頸

呢嗱、所謂一沉百踩、真係一啲都冇錯。人稱「樣子帥」嘅重閹哥呢頭打輸擂台、嗰頭就被人鬧到狗血淋頭。罪惡城人情薄過紙確實可見一斑咯！請看看另一邊廂打贏擂台嘅飯殼哥幾咁風騷。佢雙腳剛踏出比賽場門口就有大紅花轎等緊佢。啲啲咑咑咁打道回府認真威風。有些自稱黃思擁躉嘅人士透過大氣電波罵重閹哥高舉「被打柴」個招牌參加打擂台已經係不智、在比賽之前唔記得戴番個面具遮蓋自己個帥樣更加係大錯特錯。黃思人士仲話、重閹哥一向靠個猙獰面具嚇怕對手吖嘛！殊不知佢居然聽信豬八萬獻計以自己副帥樣去面對敵人、使得本來畏懼他三分嘅對手領信井越戰越勇、並在最後一刻鐘將他擊倒、簡值係累街坊喎！喂喂、黃思哥、閣下咁講法、豈不是天生靚仔都係罪過嚟？唔怪得罪惡城被叫作罪惡城啦！

講開又講、今次藍營取得兩席、並唔係因為佢哋黃營強、而係黃營太過廢而矣！從雙方嘅臨場谷票旗鼓相當嘅情情看來、假如藍營準備功夫稍為做好一些、全取四張凳仔並唔係冇可能。嗱、以藍營嘅人力、物力、財力而言、要抐埋餘下嘅兩張凳仔並無難度。問題係想唔想抐而矣？必須注意嘅係、別以為上仗黃營未能全勝、就誤解為毒派和黃思已經走下坡。依我睇、佢哋嘅失敗純粹係信錯人和誤判形勢所造成的。我話你知啦、罪惡城街坊內心矛盾人皆見之。其實街坊非常厭惡議事堂嘅連場爛戲、更加厭惡揸拂當局挾民生以鬥拉布。之但係、街坊更加唔想見到議事堂變成一言堂。因為當下咑揸拂人並唔係由街坑親手揀出嚟、而街坊亦感覺唔到揸拂當局何曾賣過街坊嘅賬。然而、若選黃思嘅話、又擔心班在只管搞政治鬥爭而出賣民生。咁你話嘞、佢哋幾咁矛盾？坦白講、假如黃思唔係誤判民情嘅話、肯定會有更多街坊投佢哋一票的。但係很對不起、有些人一旦習慣以樣子帥示於人前嘅話、係改變不來的。嗚呼哀哉！