遲早都爆鑊

2018/03/14 11:36:24 網誌分類: 講人自講
14 Mar

 

好言相勸懶得聽

橫批直打最靈擎

當堂踢爆污糟事

咪洗銅銀夾大聲

 

俗語都有話、久久唔出聲就會冇人驚。本城既然已經回到神州懷裡、理當安份守己為自己為神州作貢獻至係吖嘛!殊不知有班人妄想將罪惡城當作為反紅基地。從那時起、罪惡城嘅政治氣氛就變得越來越緊繃、還令到社會分裂成為兩極。雖然江湖上一直流傳、謀些幫派勾結白番在城中搞鬼。但普羅街坊似乎並不太在意、甚至不以為然。然而、一旦見到紅家大員對中廠有所提點時、就有人跳出來指責紅家干預罪城事務。相反、那些如過氣嘅前朝嘅罪城揸拂人、外族長老會長老、偽民間組織等人或機構、無論是在千里之外向本城發功、抑或係直接闖入本城指手劃腳嘅時候、卻無人敢跳出來表一聲示反對。這大概這就是罪惡城「門口狗」特式了!

 

江湖上早已流傳、幾名毒派嘅重心人物在去年結伴到寶島出席台毒結盟大會。嗱、我堅係唔相信呢班人係去閒話家常嘅。紅家會亦係一而再、再而三咁不厭其煩的指出對港毒零容忍。但奇就奇在與台毒關係密切嘅打柴六人組其中一人聯同另外兩名毒派嘅人物獲准上擂台比賽。咁搞法、分明請紅家食兜巴灼麵。單單係打擂台撞正總舵兩會會期、當中就大有問題。兩會日期早已定、但補打日期由中廠揀吖嘛!但有人賴係補打委員會嘅主意。搞到成棚藍營大佬留京趁總舵主、剩低班細嘅孤身作戰。之但係、咁都獲得四盤兩勝嘅成續。如果有大佬在城中調動人馬、豈不是可以贏更多?難怪江湖流傳有人唔想贏啦!嗱、大人大者下下都公開擘面嘅話、就十分冇引架喇!因此思想成熟嘅人做事比較留有餘地。今次總舵揭發架仔極右派反龍議員和田健一郎親身跑到罪惡城為參選人區某打氣、並嚴厲警告架仔勿干預罪惡城擂台大賽看來、就是要讓有須要知到嘅人知到、總舵久久唔出聲並不等如唔使驚。唔知到阿邊個收到未呢、吓?!

 

 

 

回應 (2)
我要發表
2018/03/16 16:20:34 回覆

就快改埋姓花架喇!

2018/03/14 21:00:22 回覆

香港是黃土地!

user