搵個似人樣嘅都冇！
2018/03/16 06:53:55 網誌分類: 政治
民主派喺剛結束嘅立法會補選慘敗收場，四席輸咗兩席(雖說輸了兩席，但地區直選祇能說是「險輸」，如果選舉策略做得好少少，根本唔會輸，因為仲有好多選民係...)，仲畀對手打破多年來嘅泛民建制得票「六四黃金比例」(因為市民對DQ左嘅嘢冇咩好感---唔係佢地攪攪震，都唔駛浪費公帑攪補選)，預示嚟緊嘅立法會九龍西同新界東第二輪補選，民主派將非常難打。當中九西選區更面對人選荒，自決派劉小麗極可能會被DQ，派民協或民主黨成員出選恐會再爆「屈基事件」，改由政治明星空降又怕原有地區勢力「hea撐」，重演姚松炎爆冷落選嘅歷史。(「老屍」會被DQ，睇嚟應成定局！「淋病」明知都仲要將補選分開兩次進行，嘥多次錢，為咩嘢呢？)
民主派原本派出兩名DQ議員劉小麗同社民連「長毛」梁國雄，分別出戰九西及新界次輪補選。其中長毛雖然係一位激進「大中華膠」，但佢喺民主派同社運圈子一向人緣不俗(佢玩左咁多年都未出事，經已有好高道行啦！果幾隻嘢一行出嚟就PK，仲要累街坊，唔死都冇用)，同溫和泛民以至本土自決派都有偈傾，應該唔會好似新同盟范國威咁，同時畀兩派嘅部分支持者杯葛(你唔好理，癲嘅都高票當選！我都話「申東」選民係....不可以常理而論架啦)。
劉小麗嘅狀況則完全唔同，佢以往靠批評民主黨同民協等溫和泛民起家，但又不獲青年新政同本土民主前線等激進本土派視為自己友，難以盡吸兩邊票源(兩面不是人，所以祇能做「老屍」，仲要係「理大」至收)。
最重要嘅係，選舉主任喺首輪補選收緊咗DQ參選人嘅準則，除咗支持港獨，主張「民主自決」都過唔到關，各界都估計屬於自決派嘅劉小麗，即使參選亦極可能被DQ，民主派有必要諗定「Plan B（後備人選）」。(唔駛驚，如果遇著「講倒」果位選舉主任，咪得米囉！)
講到Plan B，九西地膽民協馮檢基同民主黨袁海文都係合理人選，但係本土自決派肯定唔會力撐，甚或會重演「屈基事件」(叫「死肥佬」或者「英」、「美」放水囉！重金之下必有順民)。
喺首輪補選中，自決派提議過由兩名立法會前議員，即公民黨梁家傑或工黨李卓人空降落九西做「Plan D」，但民協同民主黨可能又會擔心兩人「易請難送」，影響自己喺二○二○年立法會換屆選舉嘅利益，隨時好似今次姚松炎空降九西咁，因民協同民主黨樁腳「hea撐」而落選。若果民主派最後搵唔到一位有實力兼獲各方支持嘅人選出戰九西，建制派隨時可以喺該區連贏兩仗，繼續保住立法會分組點票話事權。
驚咁多做咩嘢吖！「正苦」內部有高人裡應外合，咁都輸都唔抵可憐啦！三尖八角嘅參選都有十幾萬票，搵個「似人樣」嘅出選就必勝---不過，我睇晒「飯民」班友，都唔覺佢地有個似人樣喎！
相由心生，真係冇講錯架----大家睇吓當年同今日嘅「卿卿」同「毛婆」，就不難領略。
回應 (0)
我要發表