你老闆退休了

深謀細度似水青

治事必須步步營

不疾而求出手快

順天行事免張聲

江湖上盛傳、近年與總舵主不大咬絃嘅力牆號大老闆 Singer Li 終於宣布退休、並將大權交與長公子 Big House Li 。據說在豬狼鬥一役之中、大老闆拒絕總舵特使榴槤東提出支持阿狼嘅建議、並堅守撐鋼閘文支持嘅阿豬嘅承諾、而跟總舵鬧得很不愉快。從那時開始、大老闆便開始將大圈物業陸續出售、連罪惡城嘅大型物業也賣出去、甚至將自己嘅大本營遷註刪地也移到外地去、最後還索性將自己也「過底」給楓葉家、從此跟紅家劃清界線。據說、大老闆之所以做得咁徹底、就是要他與總舵所有嘅恩恩怨怨全都攬晒上身、好讓他的後人在無「恩怨包袱」嘅情況下獲得更多發展空間。大老闆寫下「算過度過、層次分明、穩中求快、順天行事」四句名言、贈予長公子作為座右銘。

所謂貧不與富敵、富不與官爭吖嘛！勢估唔到心機算盡嘅大老闆居然會落錯注在阿豬身上、搞到「年尾流流」手騰腳震而過底它家。其實在四年多前、當大老闆跑到大影細國去為以故嘅前相閣大灼二出手扶靈、就已經顯示他與米字家關係非比尋常。之但係、雖然大老闆在影國投次巨大、但他的身份卻是楓葉家的人。江湖上流傳、大老闆與鋼閘文交情非淺、而且扶助鋼老的兒子鋼金亨在商路上賺取到第一桶金。每當鋼老到罪惡城來嘅時候、都指定要入住大老闆旗下嘅哈巴趴喇沙飯店和共進早餐。因此大老闆對於鋼老嘅性格、是頗為了解的。然而、大老闆就是摸不透總舵主匝大大嘅性格和思路。他更加猜不透點解前總舵主烏金刀在退隱時便馬上把三軍令牌全數交給匝大大。近年來、匝大大已經將鋼系嘅主要骨幹剷除得八八九九、但就是沒有動鋼老和他的副手贈慶孔。紅家會幾位前任總舵主、包括登細樽、鋼閘文、烏金刀都賣大老闆的賬、唯獨是當今總舵主匝大大就不一樣。有傳聞指、由於大老闆跟鋼老關係太過親密而害怕匝大大會對他有所動作、所以使出一招「穩中求快」先將大本營和資金遷移到另外嘅安全地點、以免落得一敗塗地下場。