陸游話齋：錯！錯！錯！

特首林鄭月娥公然與民主黨有錢銀轇轕捱轟！林鄭前晚出席民主黨二十三周年黨慶籌款晚宴(記住：係黨慶，唔係慈善活動)，逗留約一小時後離開，當民主黨前立法會議員李華明正在台上獻唱《笑看風雲》時，林鄭突然舉手要求捐錢，即席寫下點唱紙願意捐款三萬元，印象中呢個係現任特首出席政黨籌款晚宴，首次公開捐款予個別政黨，有建制派中人事後炮轟林鄭捐錢、民主黨收錢嘅做法離譜，直斥政治倫理淪亡，有網民更話林鄭呢個做法，係咪預示以後出席唔同政黨籌款，都會一視同仁捐錢？(第二個政黨？佢會唔會拖行馬出席呀？手袋黨即係手袋黨，與「唔慌開心」如出一徹！)

鄭若驊陳方安生亦有出席晚宴(梗係！同是天涯「飯民」人。)

林鄭尋日率領大批政府高官出席民主黨籌款晚宴，包括受僭建醜聞纏身嘅律政司司長鄭若驊，而林鄭身處嘅主家席，兩邊係民主黨主席胡志偉及海洋公園前主席盛智文(呢位係最識「看風駛悝」嘅牆頭草)，同坐主家席還有「民主阿婆」前政務司司長陳方安生，民主黨前主席劉慧卿等，其中林鄭更一度同民主阿婆握手(姊妹嚟，握手有咩出奇？)林鄭事後更於Instagram發貼，上載出席民主黨籌款晚宴嘅相片，其中一個hashtag為「大和解」。

林鄭捐三萬元予民主黨嘅消息曝光，建制派大為詫異，有建制派中人話，林鄭號稱嘅管治新風格，莫非係公開捐款予個別政黨，與個別政黨喺陽光下眉來眼去？(咁係做俾高官/公務員睇：你地阿頭都係「飯民」人，你地識撈嘅就對佢地違法之事隻眼開、隻眼閉，否則後果自負！)

有地區人士則揶揄林鄭，佢哋多次要求港府就財政預算案補鑊，向全民派錢數千元，但都不得要領，言猶在耳，林鄭尋日二話不說就自掏腰包捐錢予民主黨，該名地區人士憤憤不平話，又唔見林鄭喺庫房盈餘爆燈下，對於普羅市民訴求慷慨啲。(你地下次補選投「飯民」，然後影低將票同「淋病」收錢囉！)

因宣誓無效被取消立法會議員資格的社民連梁國雄等四人，隨時「被放生」毋須向立法會全數「回水」。署理行政長官張建宗證實，港府早前去信立法會行政管理委員會（行管會），提供一旦未能追討薪津的可行撇帳方法，但他多次強調，最終處理方式要由行管會決定。有學者認為政府突然提出撇帳做法，質疑「似乎有意放生反對派」，多名建制派議員重申議員薪津涉及公帑運用，須向港人負責，在追討議員薪津一事會考慮法理情三方面因素。(如果最終決定放生佢地，就應該追究所有因失職引致發生DQ事件的「官員」、「垃圾會主席」、「垃圾會秘書處」、選舉主任、選管會....失職人問責，由有關人等論過失的嚴重性、按比例支付納稅人損失的數目！如果特首肯一個人孭起都冇所謂：反正佢可能財來自有方！)

剛報導政府響外國請洋人嚟做法官添。香港吾夠法官？抑或嫌姓「黄亅嘅官未夠多？

阿爺何止捉隻老鼠入米缸，直情係收左隻奸細入「熱廚房」！