烏鴉笑黑豬

2018/04/04 08:37:10 網誌分類: 時事
04 Apr

立法會審議「一地兩檢」條例草案委員會原定昨日開會,最後因法定人數不足而流會。本來,垃圾會流會多過食飯,市民早已見怪不怪,但委員會由六十四名議員組成,幾乎等於整個大會,原本只要有三分之一以上,也就是二十一位議員出席,即可達最低法定人數,結果硬是差了一個,你說是不是離晒大譜?(可笑嘅係:冇出席、應承左唔出席、明明響「垃圾會」而唔入議事廳果啲一樣有糧出架,係咪白養吖?)

 

每逢流會,議員們奉旨藉口多多兼互相指摘,今次也不例外。委員會正、副主席會後表示,當時會議室尚欠一人,點名指摘陳淑莊、梁耀忠及毛孟靜等三名反對派議員臨開會前開溜,站在門外堅拒進場才導致流會,亦有建制派議員指摘三人是「惡意流會」(嗱!我又唔認同----呢幾隻嘢擺到明唔贊同一地兩檢,又點會出席會議吖!賊過興兵都冇用啦)。這就好笑了,反對派打正旗號反對高鐵,拉倒「一地兩檢」無所不用其極,其中搞流會正是他們的「武器」之一,難道期望他們乖乖開會「提供有益有建設性建議」?

 

至於「惡意流會」的說法,就更加讓人莫名其妙。反對派流會是「惡意」,難道建制派流會就是「善意」?不可不知,三十八名建制派委員當中,缺席者多達二十人,比率超過一半(咁「正苦」係咪要諗吓、檢討吓---保皇嘅不再保皇,原因何在?唔駛多架---一個唔出席就可以攪到你流會)有人一語道破玄機,復活節是「高風險日子」,呼籲所有在港的議員應負責任盡量出席會議(如果我係「已完」,明知果日會有呢個議程,而我又覺得流會機會大嘅,我點都會出席囉)。別看這班建制派議員平日義正詞嚴,痛斥對家動輒拉布衝擊,阻住地球轉,又口口聲聲高鐵通車爭分奪秒,立法會必須「開行Turbo」,事實是復活清明長假期,梳乎快活最重要,反正人多勢眾,我不開會自然有人「補位」,就是在「你旨意我,我旨意你」下,最終演出這場流會鬧劇。(我認為係有心、而非無意)

 

烏鴉別笑豬黑,反對派唯恐天下不亂,為反對而反對,固然乞人憎;建制派那些講多過做,好食懶飛之輩,也不是甚麼好鳥。桐油埕只能裝桐油,垃圾會只能裝垃圾,就是這麼簡單。(試過「等埋發叔」事件,(今次又要等埋發叔個仔?)我唔信今次係甩轆囉!)

 

傳媒人 史弘毅

回應 (0)
我要發表
user