純真 2018/04/05 08:41:03 網誌分類: 生活 05 Apr 我屋企隔籬係一家三口,平時返學嘅時候,不時都會見到隔籬阿爸湊住個仔返學。今日兩父子遲遲未出現,咁啱有?到,就聽見個阿爸大嗌:「等埋!」然後就拖住個仔好似跑一百米咁衝埋嚟,我就撳住個開?掣等佢哋。 父子最後平安入到?,阿爸就同個仔講:「差啲遲到!好彩得姐姐等埋我哋,快啲多謝人啦!」 點知個仔就用一副天真無邪嘅表情同我講:「多謝姨姨!」 當下我feel到自己個玻璃心好似裂咗一忽咁,個阿爸就嗱嗱聲話個仔:「咩姨姨呀?人哋靚女嚟㗎嘛!」 個仔聽到之後點咗吓頭,就話:「哦,多謝靚女姨姨!」 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消