撐獨派對

黃思撐獨又撐妖

大眾唔知乜嘢料

學子無𠸎𠸎中毒

除魔須靠廿三條

呢嗱、在藍思喉舌不斷打嘴炮之下、黃思又趁高興跑出嚟大張旗鼓、實行撐妖蜓。江湖流傳、黃思本來想發大一站兩份單畸屎來玩、奈何總係挑唔起大眾興趣。正當佢哋感到徬徨之際、卻碰上藍思喪插妖蜓、於是靈機一觸便乘機將單嘢發大、並搞一趟大示威。從眾多參與示威人士嘅身份看來、集會氣氛似開派對多過似示威。示威現場出現多款寫有獨立和打倒一黨專政字樣標語、這些大概係黃思口中嘅學術自由都未定。就在此時便聽到妖蜓口沫橫飛咁話、一姐找不出法例去喐佢、仲喊大教館班館委睇清楚館規、咪個喐佢唔到反而攞假嚟丟喎！

在下向來不敢小覷黃思不願當天朝子民嘅意志、而且覺得佢哋今次有心撩鬼攞命𠻹！眾所周知、主管罪惡城事務嘅新任副舵主（人稱八王爺）岐半出剛剛上任冇耐、黃思就以這種熱烈方式來歡迎他、擺明係要向他投遞戰書啫。係嘛？！以岐半出「打死罷就、菩薩庇佑」嘅脾性而言、肯定唔敢怠慢、並且會認認真真咁于予回敬。當下罪城形勢變得令人反智。城中明明係獨氣橫秋、但一姐卻寧願信佢自己首創嘅大無解、都唔信朝廷賜畀佢嘅鎮妖神器廿三唗。藍思為求壓抑反派嘅囂張氣焰、便放出要求將廿三唗擺上台嘅聲音。黃思之所以搞咁多撩鬼攞命動作出嚟、亦係要迫使一姐擺廿三唗上台、好讓他們有藉口去發動擁躉上街來一趟大晒冷。總言之、當下滿城古靈精怪、人鬼難分、一遍混亂。照咁睇嚟、罪惡城今年運程年流不利、由年頭鬧鬼到年尾喇！