集體負責：噁番納稅人啲錢出嚟！

社民連梁國雄（長毛）、劉小麗（小麗）等六名民主派人士因立法會議員宣誓風波而被取消議員資格（DQ），政府上月就其中四個出缺議席舉行首輪補選，而長毛同小麗嘅議席空缺就因為兩人就DQ案上訴，仍未安排補選，但有指小麗正考慮撤回上訴，以盡快啟動補選程序(考慮左好耐，難道佢個「腦」又響北區醫院唔見左？)我哋仲收到消息，指在安排首輪補選中被鬧爆嘅政府已經知衰，審慎考慮次輪補選嘅最佳日期，料最快要等到明年新年後先有望舉行次輪補選。(係呀！記得問埋啲「飯民」、「講毒」...佢地又冇人生日、屋企又有死人塌屋....總之有可能參選、有可能助選嘅全部都要有「凶」呀)

如果「正苦」醒目啲(係人都知呢個「正苦」唔醒架啦)，一早改例：凡被DQ者，兩屆不得參選(甚至終生褫奪選舉權)，咁咪咩事都冇囉！

民主派六人先後被DQ，選舉管理委員會去年九月宣布今年三月十一日就其中四個出缺議席舉行首輪補選，其後就被建制派鬧爆，因為日期撞正每年喺北京舉行嘅人大政協兩會，搞到一班身兼人大代表或政協委員嘅建制派議員又要上京開會，又要在港拉票，中港兩頭騰(夠竟係失策、定係有意為之呢？)加上政府喺二月底公布財政預算案，建制派及民主派陣營為咗補選拉票都怒插政府，要求財政司司長陳茂波派錢派糖，政府自己都捉蟲(我都話「正苦」有心益「飯民」啦！下次補選可能推出廿三條！)。

長毛同小麗嘅DQ上訴定於明年四月開審，雖然有指小麗會撤回上訴，令次輪補選可以盡快舉行。不過，建制派就認為，就算小麗係咪撤回上訴，都應該會等埋長毛上訴嘅法律程序完結先一併舉行補選，皆因期望兩區一齊補選可以分散民主派動員拉票嘅能力，話唔定建制派可以好似上月九龍西補選咁再「偷雞」成功，贏得議席(一之為甚、其可再乎？)當然建制派最想就係唔使補選啦，可以拖到二○二○年換屆選舉。

此外，因為首輪補選剛完結，當局仲要處理候選人選舉開支申報事宜及撰寫選舉報告事宜，唔夠人手籌備次輪補選，所以最快都要明年新年後、財政預算案發表之前先安排到次輪補選(唓！駛幾耐呀？補選咋！大選咪要做幾年？)究竟幾時先至係補選嘅最佳時機，睇怕選管會主席馮驊同政制及內地事務局局長聶德權都要諗過度過喇！

根據政府最新提交立法會特別財務委員會嘅文件，政府預計上月舉行嘅四席補選整體開支達三億一千二百萬元，當中包括員工、宣傳、租用場地等選舉安排相關開支(錢就駛左，但係累到「正苦」要花咁多納稅人嘅錢攪補選果班「茂里」又唔駛回水喎)。而喺一八至一九年度，政府亦已預留二億一千一百萬元，用作籌備同舉行可能出現嘅補選(追究責任啦---所有有份攪出補選嘅有關人等，全部要分擔經費！俾唔出嘅，申請佢地破產)。