歧視？

美國費城一間星巴克咖啡店捲人種族歧視爭議。兩名黑人在店內等朋友(其實佢地係咪等朋友、抑或貪唔駛錢有得坐響度打牙較都冇人知)，一直未有點餐，其間欲借用厠所遭店員拒絕(我相信佢地坐左好耐、又冇幫趁，仲要借洗手間用，店員才有此反應)，更被進一步要求離開咖啡店，警方其後到場用手銬將二人鎖起帶走，扣留9小時後釋放。有團體認為店方及警員歧視黑人(因為果兩位係黑人，才被人熱炒啫！照睇，即使唔係黑人，如果發生咁嘅事，果位店員可能同樣處理！除非有同樣事件，而店員處理不同，才能跟歧視扯上關係)。警方否認並稱警員只是履行職務，但星巴克行政總裁約翰遜認為事件「應受譴責」，並希望親身向涉事黑人道歉。(咁又好喎！以後我冇掟去，或者行街「濕平」行到攰，就去星巴克齋坐；有人干涉我咪聲大夾惡搬呢個case出嚟囉)

有費城居民周四（12日）在網上發放影片，指兩名黑人在星巴克咖啡店因為一直未點餐，被警員以手銬鎖起帶走(係經勸諭無效才被鎖上！雖然有點過火，但係接倒投訴就要處理架啦)。影片在網上瘋傳，惹來很大反響。費城警察局長羅斯(Richard Ross)在Facebook直播時指出，涉事警員沒有做錯。他指出，當時警員接報到場，咖啡店員工求助稱，有兩名男子想使用店內厠所，但因厠所只提供給付費客人使用而拒絕他們(如果冇標明，又好難拒絕嘅；補救方法咪日後寫明囉)，店員隨後要求二人離開店舖不果(佢係禮貌咁請佢地走定係囂喝先？當時是否客滿有客等位先？如果店員有禮貌加上有客等位，而佢兩位真係齋坐嘅，我覺得無可厚非，反而係果兩位好有問題！我相信佢地真係有問題---連警務人員都勸唔走！)

羅斯續稱，警員三度有禮貌地要求二人離開，「他們被店員請求離開，因為他們是非法侵入的」，當二人再次拒絕時，警員就將其拘捕，其間並無意外發生，當星巴克表示不欲追究時，二人獲得釋放。羅斯稱，「如果一間企業致電求助，指不希望有人妨礙營業，警員有法定義務履行他們的職責。」本身是非洲裔的羅斯稱，自己了解隱性的偏見及歧視，警方致力於公正及沒偏見地執法，不會容忍有關事情發生。

星巴克行政總裁約翰遜(Kevin Johnson)則表示，星巴克的做法和培訓導致了不好的結果，他指致電警局的出發點是錯誤的，但分店經理無意要令二人被捕，他認為事件不應該升級到現在的程度。他強調星巴克堅決反對歧視，並希望親自與事件中兩名男子當面道歉。

團體「黑人的命也是命」的成員周日到涉事店舖示威，其後進入內部與經理面談。(呢啲團體就真係有問題：動不動就話種族歧視！何解佢地唔challenge吓果兩位仁兄嘅行為、動機？)

-----------------

由於新聞報導並不詳盡，或許有些細節未能了解。

前日剛好是中學書友仔聚會，她們中不少是回流或經常到外國旅遊人士。

我問：香港不少食肆大大隻字寫明「洗手間不外借」，如果星巴克有寫明，應該不成問題；但我在香港星巴克分店唔覺有標明。剛從美國回港的書友仔表示，該市應沒有這樣的標誌！

但我覺得，即使係有錯，都係店員處理不當啫，跟種族歧視扯不上關係！報警實有點小題大做。佢應該事後/或當時請示上司：日後遇倒同樣事情，公司政策應如何處理？

我也曾是警務人員。警方接到有人求助，出勤勸涉事者離開亦冇錯；祇是我不明何以該兩人不肯離開？如果我係佢地、如果我約左朋友響果度見面而朋友未到、如果我真係有需要而店員拒絕我用廁，我會致電朋友更改地點，並且日後唔再幫趁該店！正常人又點會將咁小嘅事化大？不過：佢地係咪真係約左朋友呢？