依士滅士威士

拿拿拿！你地邊個仲夠膽話我地中國人唔識英文呀？！冇人夠膽咁講！中國人乜國語言都識，區區英文何足道哉呀？「乾貨」係「F u c k  G o o d」，只係幽默唧！你地班人冇哩幽默感，先至以為我地唔識英文之嘛！路牌上面寫「Xi Shou Jian」唔寫「Toilet」，就係驚住你地班死鬼佬唔識講普通話，所以先至畀你地「睇路牌學普通話」咋！

而中國人識英文既最新證據，唔好講笑，真係因住嚇你一跳！中國就快開兩會（人大&政協），來自全世界各地既傳媒都雲集北京，我地一如以往設置傳媒中心，但傳媒中心唔叫傳媒中心，我地英文底子好，起左個名叫做「北京梅地亞全國兩會新聞中心」，有「傳媒」唔用，有「媒體」唔用，偏偏就係要用「梅地亞」（Media），等全球傳媒都知道，我地中國人英文不知幾掂！拿！呢D就叫中西合壁、華洋雜處、「依士滅士威士」（East Meets West）喇！