報應/職場求生術

究竟呢個世界有冇報應呢？我而家開始信有。

有一個唔做嘢懶心地差自以為是目空一切嘅人，終於俾人炒左。其實我都有啲意外，因為話晒佢都係有數嘅。但係你又可以話真係報應，係差唔多嘅時間之內，係同一日竟然有兩個客投訴佢，咁你話係咪佢自己做成㗎啦。自食其果，就即係報應啦， 咁當然我都應記一功，老細本來係諗住怕咗佢煩應佢要求，如果我冇阻止我老闆，叫佢冷靜下唔好彩佢住諗下先，佢就唔會諗諗吓立定主意去炒佢。我老細話：佢諗下諗下越來越發覺佢真係唔想再見到呢個人唔可以再用佢。

所以呢結論係，第一，要努力工作，唔好以為自己叻就目空一切。無論你話你幾叻都好都要保持謙卑。因為呢個世界冇話冇咗邊個唔得嘅。佢呢個case來講，佢佢雖然有數有客，但成日諸多要求又要老細執手尾（接咗個客返嚟之後就乜都唔做，冇尾非陀總失蹤，但係佢接親佢又係大客喎，結果又係要我老細出馬.但係分數又要分一大份 ），係公司裏邊人見人憎（佢令人討厭嘅程度係我見到佢都會運路行，唔係怕左佢而係如果你見到一堆屎，你會唔會行埋去？ ）第二，唔好得罪任何可以同老闆直接講嘢的人，就算佢職位低過你，哈哈。第三，盡可能同同事特別高層建立良好關係，我老細問過幾個高層，冇人幫過佢講一句說話，個個都贊成炒佢。

我開心的另外一個原因，係因為我係一個好人，應該會有好報吧哈哈