23/4 窄幅屠牛熊大法

2018/04/23 20:43:58 網誌分類: 經濟
23 Apr

港股低開低走呈陰燭.連跌兩天.反彈在望

23/4 周一恒指收報30254, 跌164點(最多下跌234點,  一度上升63)

國指收報12000, 跌54點(最多下跌84點,  一度上升64), 國指小幅跑贏恒指

成交急降.大龍鳳先兆

大鱷今個月在窄幅內玩好淡通殺, 上周四五推高港股上30800大舉屠熊, 周五就玩沖高回落掉頭向下, 升得好地地突然反艇目的係殺30400牛, 呢個就係大鱷係困局中的屠牛熊大法, 急升急回再急彈, 大鱷暫時唔想爆邊, 所以升升跌跌不斷轉向, 就可將貼價牛熊全部殲滅,

金融市場陰霾滿佈, 股市成交萎縮, 細成交就更容易俾大鱷操控上落, 所以大升不要過份樂觀, 見大跌亦不用悲觀, 今日弱雞大跌明日亦可轉強急升, 不斷變盤, 急升急跌已是港股常態, 以前恒指周波幅才500點, 而家日波幅閒閒地都有500點

早前已預告4月下旬港股的劇本, 會係急跌急彈來屠牛熊追數, 上周五會壓低收市位, 以降低本周收升的難度, 本周震完倉就會再殺上去部署結算位, 今個月好友想收升的話, 30/4現貨就要收30093樓上, 而4月份恒指期貨大户加權平均開倉水平在30384, 係好淡大鱷的打交位, 所以想高位結算的話, 好友必需要出手

上周五大鱷食完牛扒, 今日冇再開餐, 跌百幾點後又玩點穴橫行, 目的係養牛熊, 上周30488~30848熊熊全部陣亡, 跟住港股連跌兩日, 又引左唔少初生BB熊下移, 30488~30650有279張, 100天線在30631, 50天線在30671

港股收30254, 處於近期波動區間29979~31094下方, 大鱷力守30000的話, 代表向上空間大, 30500.30800.... 測市指標顯示明日會有彈高吃, 淡友小心

~~~~~~~~~~~~~~~~~~~~~~~~~~~~~~~~~~

10.20.50.100天線穿梭

由高位30848跌至今日低位30184, 回吐幅度已足夠支持反彈, 加上係結算周, 食完牛扒就更加令掉頭上攻誘因增加, 不要忘記30000/12000總係有疑似無形之手護盤

近日中港股市係同步見頂底, 明日港股表現睇上証, 如上証止跌回升, 利好港股, 今日尾市上証拗腰收復大部份失地, 如果真係阿爺護盤, 又或者偷步炒周三降準生效, 好友就有藉口推高港股

港股多條平均線已下移, 要收復不難, 結算在即, 冇得再拖, 好友等緊好消息做助力就會反擊, 破日試過大升亦試過大跌, 多位圖表派都看淡, 燈神金大獅兄看得極淡代表明日會升穿甚麼淡友駐重兵的水平30500

當全世界向下望, 元帥就向上望, 周末已作出分析, 說回吐落山不會殺盡牛牛, 因為震走牛大鱷亦能獲利, 係聲東擊西, 養熊引淡, 食一兩口牛就會轉向, 上去屠熊, 重上30500不難

~~~~~~~~~~~~~~~~~~~~~~~~~~~~~~~~~~

熊5803張 VS 牛8944張

如果你見牛多熊少就以為會落去屠牛就錯了, 大鱷已經試過好多次不吃近牛, 途長路遠沖上去食遠熊, 食完熊才落山殺牛

30100牛 VS 30488熊, 牛熊都養到肥肥白白, 明日上落都得開餐, 冇必要單邊下殺, 港股已連跌兩日, 結算周, 好友不會坐以待斃,而家只喺用拖字訣等50天線下降至較容易收復的水平,其實近日港股只係在多條平均線穿梭, 失守或上破都不能盡信, 因為一棍升跌足可令大市轉向, 中港股市今日都係跌市成交縮, 測市指標預示港股回吐已近水尾, 後日降準水喉開動, 今日已見偷步買盤入市趁低吸納, 預示兩地股市反彈在望

上周五沖高回落,殺30400牛,今日續跌,全世界都向下望,以為會食埋30100及29800~29900牛,所以引咗熊熊下移,沽空增加,上次大鱷都用過聲東擊西呢招,就喺食少少就抝腰,即喺有可能食多一囗牛,又或者唔食就掉頭上去屠熊,愈臨近結算好友出手的機會就愈大,急跌亦會急彈,明日喺星期二,星期五就結算喇! 好友要出場喇!

過去3個月恒指最後六天係3升3跌, 即係唔會單邊向下, 所以周初跌反而有可能係苦盡甘來, 今日跌左係好事, 近排港股無論升跌, 玩兩三日就轉向, 而家已連跌兩天, 快要轉勢向上

明日係破日, 以往破日例跌, 但自從北水亂港, 破日就變成大波幅, 但升跌都試過, 港股連日下跌有助消化沽壓, 明日破日反而有望收升

今日國指小幅跑贏恒指, 國指跌幅溫和, 恒指受QQ拖累跌幅較大, 上証綜指連跌兩天, 收3068, 跌3點, 尾市見全日低位後急彈, 收復大部份失地, 穩住上証果然穩住國指, 亞太區股市跌幅不大, 大鱷係在困局中急升急跌來殺牛熊及震走牛熊, 從中獲利, 跌市亦不應太悲觀, 元帥已入貨博反彈

~~~~~~~~~~~~~~~~~~~~~~~~~~~~~~~~~~

北韓雖然暫停核試, 但中美貿易戰陰霾仍困擾大市, 美國十年期國債孳息逼近3厘的警戒線, 均引發市場對通脹及加息的憂慮, 息口敏感股及貿易戰股份全面捱沽, 北水持續走資, 大媽愛股反艇, 五一假期臨近, 內地股市走弱,

未來幾日期指轉倉, 本周五為期指結算, 十多隻中資藍籌本周公布季績, 美股亦進入科技股季績期,微軟、谷歌母公司Alphabet、亞馬遜、Intel、Twitter及Facebook將陸續放榜

今日地產板塊喺跌市元兇之一,海南省進一步收緊住宅限購政策,在已出台的限購政策基礎上,實施全域限購,防範炒樓炒地投機行為, 有分析認為今次調控政策比過去以至全國城市的都嚴厲,將會令當地樓價下跌

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏