唔係秘史(四)
2018/04/25 14:43:39 網誌分類: 講人自講
原來貼士係山埃
喫後唔死快拉柴
乾坤內裡無一物
為何監硬賣精乖
江湖上一直流傳、打得姐在獲得紅家答應無須履行訂立防毒法才肯人主中廠的。因此、打得姐係有大條理由去拒絕孭起立法嘅責任。但問題係、紅家有乜嘢理由會接受一姐開出嘅不負責任條件、究竟係咪冇咗佢唔得?坦白講、既然做得坐館就不得推搪家法規定必須負擔起嘅責任、但係有權劈炮唔撈嘅。
呢嗱、必須知到在這個世界上係冇白吃白喝而無須負出代價嘅事。當日有人為着要確保其利益不受妨礙、並極力阻擋掃把姐登上坐館爺寶座。在總舵堅拒接納阿𠾍嘅情況下、惟有接納被黃仔冠以偽思歪 2.0 (其實係真阿貪 2.0 )嘅打得姐。有咁啱得咁橋、當時負責罪惡城事務嘅人係紅三爺雙失江。又係有咁啱得咁橋、三爺係缸系人馬。缸系人馬亦都係有咁啱得咁橋、跟城中三十五路(四世家、十三會、十八寨)聯盟係同氣連枝嘅好兄弟。因此、打得姐提出嘅所有要求、全數獲得接納。之但係、經過紅家會炠狗大會各方角力之後、缸系人馬全部被邊緣化、大局已經由閘家班全面控制。所謂新人事新作風、紅家依足家法揸正來做、一姐當然難以推搪。之但係、有人身不由己、惟有扮作麻木不仁、咬緊牙根撐得幾耐就得幾耐。但俗語都有講啦、醜婦終須見家翁吖嘛!認清楚今日是誰家天下、有啲嘢係避無可避嘅、𢯊起心肝面對現實、做實事啦!
我睇佢只係一隻棋子而矣!
今鋪睇打得的應變招數了。